Fota Reuters zroblena 20 śniežnia kala turmy na Akreścina. Zatrymanych viazuć na sud u aŭtobusie.
«Nas admaŭlajucca brać na Akreścina, — paviedamiŭ „Našaj Nivie“ aryštavany padčas Płoščy Aleś Miliniec. — Druhija sutki siadzim u aŭtazaku. Nas tut 31 čałaviek. Kažuć, papiery naležnym čynam nie aformlenyja».
Samaje prykraje, što viaźni ŭžo druhija sutki znachodziacca biez usialakaj ježy i vady. Pakul jany dakładna nie viedajuć, dzie buduć adbyvać pakarańnie.
Pieršy raz Miliniec vyjšaŭ na suviaź z «Našaj Nivaj» kala 0.40 paniadziełka, apošni raz — a 9.15 aŭtorka.
20 śniežnia sud Partyzanskaha rajona prysudziŭ Alesiu Milincu 12 sutak aryštu.
U adnym aŭtazaku ź im znachodziacca Leŭ Michiejeŭ, Siarhiej Varfałamiejeŭ, Siarhiej Šyško, Viačasłaŭ i Vital Muraškievičy, Rusłan Ihnatovič, Siarhiej Makašyn. Imiony astatnich jon nie nazvaŭ.
Alaksandr Łukašenka nazvaŭ ličbu 639 zatrymanych. Milicyja statystyki nie davała. Turma na Akreścina niazdolna pryniać stolki viaźniaŭ.
