«Nie vałodaju nijakaj infarmacyjaj», kaža jon.

Siarhiej Darafiejeŭ

Siarhiej Darafiejeŭ

Pavodle infarmacyi «Našaj Nivy», u chistkim stanoviščy akazaŭsia papularny viadoŭca ANT Siarhiej Darafiejeŭ. Jamu nie darujuć šerahu pytańniaŭ da Lidzii Jarmošynaj u časie tok-šoŭ «Vybar», pryśviečanym vynikam prezidenckich vybaraŭ.

Darafiejeŭ pavodziŭ siabie śmieła i zadavaŭ Jarmošynaj niepryjemnyja pytańni. Padčas pieradačy jon atrymaŭ niejkuju kamandu ad režysiora ŭ navušnik, pačyrvanieŭ, ale nie spyniŭsia i praciahnuŭ svaje pytańni.

Jon spytaŭ u Jarmošynaj, ci bačyła jana rolik, u jakim u technikumie kuratarka adnoj z hrup patrabuje ad vučniaŭ źjavicca na daterminovaje hałasavańnie i ci źjaŭlajecca takaja situacyja parušeńniem zakanadaŭstva. «Tak, heta parušeńnie», — adkazała Jarmošyna. «Dyk značycca, vybary prajšli z parušeńniami?» — padłaviŭ jaje Darafiejeŭ. U vyniku Lidzija Jarmošyna pakinuła studyju, zajaviŭšy, što joj niama času ź im libieralničać, pakul u CVK zabłakavanyja žančyny.

Aproč taho, viadučy abaraniaŭ žurnalistku Śviatłanu Kalinkinu ad napadak z boku palityka Siarhieja Hajdukieviča.

Pieradača vyklikała asabistaje niezadavalnieńnie Alaksandra Łukašenki, jaki padčas pres-kanfierencyi nazvaŭ Darafiejeva «chłopčykam-žurnalistam, jakoha treba pastavić na miesca».

My źviarnulisia pa kamientar da samoha Siarhieja, ale jon rastłumačyŭ, što jon pakul što nie vałodaje nijakaj infarmacyjaj i nie hatovy kamientavać situacyju.

Siarhiej Darafiejeŭ — adzin z samych jarkich pradstaŭnikoŭ novaha pakaleńnia biełaruskaj televiadučych. Jon naradziŭsia ŭ 1980 hodzie ŭ Minsku, zakončyŭ BNTU, a žurnalisckuju adukacyju atrymlivaŭ za miažoj, vyjhraŭšy hrant Dziarždepartamienta ZŠA. Staŭ viadučym tok-šou «Vybar» paśla adjezdu ŭ Maskvu Jahora Chrustalova. Pa mierkavańni ekśpiertaŭ i hledačoŭ, prahrama ad hetaha tolki vyjhrała — u joj stali źjaŭlacca surjoznyja temy dla dyskusij.

Darafiejeva adroźnivaje vostry, ale pavažlivy styl razmovy z haściami.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?