Nacyjanalny Kamitet Abjadnanaj hramadzianskaj partyi vystupiŭ z admysłovaj rezalucyjaj.

Rezalucyja datyčyć staŭleńnia Abjadnanaj hramadzianskaj partyi da padziejaŭ 19 śniežni 2010 i zajavy kandydata ŭ prezidenty Jarasłava Ramančuka. Pryvodzim jaje źmiest całkam.

«Abjadnanaja hramadzianskaja partyja ličyć mirny pratest hramadzian suprać falsifikacyi vybaraŭ 19 śniežnia ich nieadjemnym kanstytucyjnym pravam, a ŭžyvańnie ŭładami hrubaj siły suprać demanstrantaŭ -- złačynstvam. Nijakija pravakacyi ŭ vyhladzie raźbitych dźviarej nie mohuć apraŭdać źbićcio i aryšty sotniaŭ ludziej, u tym liku kandydataŭ u prezidenty.

Abjadnanaja hramadzianskaja partyja ličyć

1. zajavu Jarasłava Ramančuka, u jakim jon asudžaje dziejańni kandydataŭ u prezidenty V. Rymašeŭskaha, M. Statkievič i A. Sańnikava, nieabhruntavanym i supiarečnym pazicyi partyi;

2. vykazvaje salidarnaść z aryštavanymi kandydatami ŭ prezidenty H. Kastusiova, A. Michalevičam, U. Niaklajevym, V. Rymašeŭskim, A. Sańnikavym, M. Statkievičam, D. Usam i patrabuje ich nieadkładnaha vyzvaleńnia, a taksama vyzvaleńnia ŭsich udzielnikaŭ mirnaj demanstracyi.

Paćviardžeńniem pryncypovaj pazicyi partyi źjaŭlajecca aryšt jaje lidera Anatola Labiedźki, a taksama staršyni Minskaj haradskoj arhanizacyi AHP Anatola Paŭłava, jaho namieśnika Aleha Korbana, staršyni Haradzienskaj abłasnoj arhanizacyi AHP Juryja Istomina i inšych siabroŭ partyi».

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?