Padčas akcyi pratestu na płoščy Niezaležnaści, jakaja prajšła ŭviečary 19 śniežnia ŭ Minsku, byli zatrymanyja 12-razovaja čempijonka Jeŭropy pa karate Śviatłana Vilkina, jaje muž Andrej, zasłužany trenier Biełarusi, i ich 25-hadovy syn.

Pra heta BiełaPAN paviedamiła siabroŭka Vilkinaj.

«Jana śviadoma pajšła na hetuju akcyju.

Śviatłana vykładčyk VNU, i jana była nie zadavolenaja, jak prachodziła daterminovaje hałasavańnie, što studentaŭ i vykładčykaŭ zmušali hałasavać. Tak jak jurydyčna ničoha dakazać niemahčyma, jana vyrašyła tak vykazać svoj pratest», — paviedamiła siabroŭka Vilkinaj.

Pavodle jaje słoŭ, Vilkina patelefanavała joj 19 śniežnia ŭ 23.30 i paviedamiła, što jany zatrymanyja supracoŭnikami siłavych struktur i znachodziacca ŭ aŭtazaku. «Jana skazała, što ŭ mašynie vielmi šmat ludziej i ich niekudy viazuć. Zatym, u 23.50 jana patelefanavała znoŭ i paviedamiła, što mašyna spyniłasia. Vidać, ich pryvieźli na Akreścina. Paśla hetaha Śviatłana na suviaź bolš nie vychodziła, ich mabilnyja adklučanyja, doma nichto nie adkazvaje», — skazała siabroŭka čempijonki.

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?