Supracoŭnictva pamiž Biełaruśsiu i Hruzijaj nie varta razumieć, jak supracoŭnictva nie na karyść Rasii.

Pra heta zajaviŭ Alaksandr Łukašenka 20 śniežnia na pres-kanfierencyi ŭ Minsku, adkazvajučy na pytańnie hruzinskaha žurnalista.

«My vielmi pavažajem vas, vielmi šanujem. Hruziny prystojnyja ludzi, pracavityja, vielmi pradprymalnyja. Vy byli ŭ Savieckim Sajuzie samymi bahatymi, a heta niaprosta dajecca, značyć jość u vas hetaja žyłka. Tamu vy mnohamu možacie nas u hetym płanie navučyć. Ale davajcie razam z vami i z Rasijaj budziem budavać našy adnosiny. Ad hetaha vyjhraje i ruski čałaviek, i hruzin, i biełarus», — skazaŭ Łukašenka.

Jon ličyć mahčymym svoj aficyjny vizit u Hruziju.

«Niama ničoha niemahčymaha ŭ našym śviecie. Tamu heta absalutna realna, heta absalutna mahčyma», — adkazaŭ jon na pytańnie pra mahčymaść takoha vizitu.

«Našy palityki, našy śpiecyjalisty ŭžo nie adnojčy sustrakalisia, i ŭžo niekatoryja prajekty my raspracavali, my ich ažyćciaŭlajem. Hruzija dla nas — cikavaja kraina, u tym liku i pa tranzicie enierharesursaŭ. My ŭ vas kuplali niekalki tankieraŭ azierbajdžanskaj nafty i pa svop-schiemie pastaŭlajem u Biełaruś. I budziem takim čynam dziejničać. Słovam, u nas niadrennyja pierśpiektyvy dla supracoŭnictva», — skazaŭ Łukašenka.

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?