Ministerstva zamiežnych spravaŭ Polščy vystupiła z zajavaj, u jakoj asudziła «masavaje źbićcio i zatrymańnie manifiestantaŭ na vulicach Minska».

Žorstkaść siłaŭ pravaparadku niedapuščalnaja, — adznačajecca ŭ zajavie. — Asablivuju zakłapočanaść vyklikajuć vypadki, jakija tyčacca źbićcia i zatrymańnia apazicyjnych kandydataŭ u prezidenty Uładzimira Niaklajeva i Andreja Sańnikava, a taksama Vitala Rymašeŭskaha, Mikałaja Statkieviča i Ryhora Kastusiova».

«My zaklikajem da spynieńnia hvałtu, nieadkładnaha vyzvaleńnia zatrymanych i tłumačeńnia źbićcia manifiestantaŭ, palitykaŭ i žurnalistaŭ, u tym liku zamiežnych», — havorycca ŭ dakumiencie.

Ab chodzie i vynikach prezidenckich vybaraŭ u Biełarusi MZS vykažacca paśla taho, jak svaju acenku daść misija ABSE, jakaja «adsočvaje sytuacyju na miescy».

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?