22.33, 19 śniežnia. Jak paviedamiła ŭ onłajn-repartažy «Salidarnaść», śpiecnaz sarvaŭ z karespandenta hetaha internet-vydańnia Rusłana Harbačova pres-kartu i nanieśli jamu niekalki ŭdaraŭ. Heta adbyłosia na płoščy Niezaležnaści.

Jak paviedamiła ŭ 22.50 dastupnaja praz ananimajzier «Chartyja-97», na płoščy Niezaležnaści supracoŭniki AMAP źbili redaktarku hetaha resursu Natallu Radzinu. Žurnalistku niekalki razoŭ udaryli pa hałavie. Jaje adciahnuli ŭbok demanstranty. http://o53xo.mnugc4tumvzdsnzon5zgo.cameleo.ru/2jmj7l5rSw0yVb-vlWAYkK-YBwk=cnUvbmV3cy8yMDEwLzEyLzE5LzM0ODI2Lw

Pavodle adnaho z paviedamleńniaŭ u Tvitery, źbity fotakarespandent BiełTA Viktar Tałočka. http://or3ws5dumvzc4y3pnu.cameleo.ru/2jmj7l5rSw0yVb-vlWAYkK-YBwk=WmxveUJ1Ymxpaw

Kala 23.45 pres-słužba HA «BAŽ» daviedałasia pra zatrymańnie siabra HA «BAŽ» Illi Kuźniacova. Jon patelefanavaŭ sam ź milicejskaj mašyny i paviedamiŭ, što jaho viazuć u śpiecprymalnik na Akreścina. Jaho mašynu pieaśledavaŭ i spyniŭ aŭtamabil DAI, kali jon padvoziŭ z płoščy Niezaležnaści traŭmavanaha palityka Andreja Sańnikava (u jaho była paškodžana naha) i jaho žonku, žurnalistku Irynu Chalip. Kudy transpartavali zatrymanych Sańnikava i Chalip, Illa nie viedaje, ale nie vyklučaje, što ich pavieźli kudyści na jaho mašynie.

Kala 00.00 pres-słužbie BAŽ patelefanavaŭ fotažurnalist haziety «Obozrievatiel» Alaksiej Maciuškoŭ i paviedamiŭ pra zatrymańnie na płoščy Niezaležnaści svajho kalehi, fotažurnalista «Biełhaziety» Vadzima Zamiroŭskaha. Pa jaho słovach, Zamiroŭskaha pahruzili ŭ «aŭtazak» i pavieźli ŭ nieviadomym nakirunku. Samomu Maciuškovu pabili bliskavicu fotaaparata, raźbili vusny i paškodzili ruku.

Kala 00.05 stała viadoma pra zatrymańnie niezaležnaj žurnalistki, siabry BAŽ Taćciany Bublikavaj. Jana patelefanavała ź milicejskaha aŭtobusa i raspaviała, što razam ź joj znachodzicca cełaja hrupa zatrymanych žurnalistaŭ. Siarod ich - zdymačnaja hrupa z Sankt-Pieciarburhu, biełaruski žurnalist Cimafiej Kaśpiarovič, karespandent polskaj «Gazetu Wyborczej» Andžej Pačobut. Pavodle papiarednich źviestak, usich ich dastavili na Akreścina.

Kala 00.10 na sajcie Radyjo «Svaboda» źjaviłasia paviedamleńnie pra źbićcio troch rasijskich žurnalistaŭ, polskaha i amierykanskaha žurnalista, a taksama žurnalistki Natalli Radzinaj (hł.vyšej). http://www.svaboda.org/content/article/2252428.html

U 00.20 siabry HA «BAŽ» Hleb Łabadzienka i Jaŭhien Vałošyn paviedamili BAŽ pra zatrymańnie žurnalista TUT.BY Kastusia Łaškieviča. Jaho zatrymali na płoščy Niezaležnaści. Jon patelefanavaŭ u BAŽ i paviedamiŭ, što znachodzicca u RUUS Maskoŭskaha rajona Minska.

U 0.25 Radyjo «Svaboda» paviedamiła na sajcie pra źbićcio svajho karespandenta Aleha Hruździłoviča. Jamu złamali kamieru. Siarod zatrymanych taksama — siabra HA «BAŽ», movaznaŭca Źmicier Saŭka. http://www.svaboda.org/content/article/2252428.html

U 00.34 pastupiła infarmacyja pra zatrymańnie ŭ Minsku dźviuch aktyvistak-raspaŭsiudnic haziety «Naš dom» Chryściny Šacikavaj (Mahiloŭ) i Maryi Vajnovaj (Viciebsk). Pavodle papiaredniaj infarmacyi, zaraz jany znachodziacca na Akreścina.

U 0.39 «Salidarnaść» sa spasyłkaj na pres-słužbu telekanała «Russia Today» paviedamiła pra źbićcio dvuch apierataraŭ — Antona Charčanki i Viktara Filajeva. U abodvuch — abšyrnyja hiematomy, budzie milicejskaje aśviedčańnie. http://gazetaby.com/index.php?sn_nid=33091&sn_cat=32

U 0.59 u ŽŽ-supołcy BAŽ źjaviłasia paviedamleńnie sa zhadkaj imia adnaho z zatrymanych: Alaksandr Astafjeŭ, fatohraf z Sankt-Pieciarburhu, pracuje ŭ haziecie «Moj rajon» i vykładaje na fotafakultecie.

Žurnalistaŭ kłali tvaram u śnieh, bili, zabirali i źniščali ich aparaturu

Šerah biełarusich i zamiežnych žurnalistaŭ paciarpieli ŭ časie aśviatleńnia šeścia kałony Uładzimira Niaklajeva ŭ bok Kastryčnickaj płoščy.

Jak pieradała «Salidarnaść» paśla 19.00, kałona Niaklajeva prajšła ŭsiaho 50 mietraŭ ad štaba kandydata, kali darohu im pieraharadziła mašyna DAI. Potym źjavilisia śpiecnazaŭcy, razdalisia vybuchi, i ŭsim zahadali pakłaścisia na ziamlu.

Jak paćvierdziŭ HA «BAŽ» siabra arhanizacyi, karespandent «Jeŭraradyjo» Źmicier Łukašuk, jaki taksama byŭ na miescy padziejaŭ, usich prysutnych — jak udzielnikaŭ, tak i žurnalistaŭ, što aśviatlali akcyju — pakłali tvaram u śnieh. Siarod prysutnych žurnalistaŭ, akramia Źmitra, akazalisia karespandentka «Salidarnaści» Alena Jakžyk i karespandentka «Našaj Nivy» Julija Daraškievič, viadomy biełaruski fatohraf Andrej Lankievič, žurnalist ahienctva BiełaPAN Anton Taras (usie — siabry BAŽ). Byli na miescy padziejaŭ i zamiežnyja žurnalisty. Jak pieradała «Salidarnaść», byŭ źbity karespandent «The New York Times» Džon Chił. Pry sprobie pakazać śpiecnazaŭcam svaju akredytacyju jon atrymaŭ udar u voka.(Hetuju infarmacyju paćvierdziŭ BAŽ Anton Taras, jaki znachodziŭsia pobač z zamiežnikam.)

Usim pradstaŭnikam ŚMI hruba zahadali vyklučyć aparaturu. (Pa śviedčańniach vidavočcaŭ, Julii Daraškievič, karespandentcy «Našaj Nivy», APAMaviec kryčaŭ: «Prybiary aparaturu, s.ka!»). Adabranyja fotaaparaty kłali na śpinu žurnalistam, jakija lažali tvaram u śnieh. Andreju Lankieviču «pašancavała» mieniej. Bliskavicu jaho fotaaparata rastaptali nahami, a sam fotaaparat śpiecnazaŭcy zabrali, i dzie ciapier aparatura, jon nie viedaje.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?