Pra heta «Našaj Nivie» paviedamiŭ kiraŭnik štabu kandydata Andrej Dźmitryjeŭ.

«Nieviadomyja ŭ cyvilnym pryjšli ŭ pałatu i zabrali Niaklajeva. Adbyłosia heta prykładna, a pałovu na pieršuju nočy, jak tolki syšli žurnalisty», — zaznačyŭ A.Dźmitryjeŭ.

Ciapierašniaje miescaznachodžańnie Niaklajeva nieviadomaje.

Jak paviedamlaje pres-sakratarka Niaklajeva Julija Rymašeŭskaja: «Siem čałaviek uvarvalisia da jaho ŭ pałatu, začynili jaho žonku ŭ susiednim pakoi. Niahledziačy na jaje kryki, Niaklajeva zaharnuli ŭ koŭdru i pavieźli ŭ nieviadomym kirunku».

Sa słovaŭ Rymašeŭskaj, Niaklajeva vynosili na koŭdry.

Vitala Rymašeŭskaha, źbitaha na płoščy Niezaležnaści, pa hałavie, taksama dastavili ŭ balnicu. Kali jon vychodziŭ z balnicy, na jaho nakinulisia ludzi ŭ cyvilnym, u čornaj vopratcy, zakinuli ŭ bieły mikraaŭtobus i pavieźli ŭ nieviadomym kirunku», — paviedamiŭ Sadoŭski.

Pavodle jaho słoŭ, zatrymana taksama davieranaja asoba kandydata ŭ prezidenty Iryna Hubskaja i jašče siem aktyvistaŭ BCHD z rehijonaŭ.

Akramia taho, adznačyŭ Sadoŭski, zatrymany kiraŭnik vybarčaha štaba Rymašeŭskaha Pavieł Sieviaryniec. «Jon znachodzicca va UUS Maskoŭskaha rajona», — skazaŭ Sadoŭski.

Jak paviedamlajecca, zatrymany taksama Ryhor Kastusioŭ, kandydat u prezidenty ad Partyi BNF.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?