Popyt na staličnaje žyllo pavialičyŭsia ŭ niekalki razoŭ 2

Užo amal tradycyjna mienavita pierad Novym hodam patencyjnyja pakupniki staličnych kvater pačynajuć bolš aktyŭna cikavicca varyjantami prapanovy na druhasnym rynku žyllovaj nieruchomaści Minska. Kali ŭ minułyja hady druhasny rynak ažyvaŭ tolki ŭ śniežni, to sioleta klijenty ahienctvaŭ nieruchomaści pačali bolš aktyŭna «varušycca» ŭžo z druhoj pałovy listapada,

paviedamiŭ kiraŭnik ahienctva «BiełCTN», staršynia savieta Biełaruskaj asacyjacyi «Nieruchomaść» Mikałaj Prastałupaŭ.

U pieršuju čarhu kuplajuć adnapakajoŭki koštam da 40 tysiač USD

Na praciahu hoda žyllo ŭ Minsku tolki tańnieła na fonie amal nulavoha popytu. Vyklučeńniem byŭ tolki «kavałačak» leta ŭ červieni-lipieni, kali adnapakajoŭki patańnieli da 35–37 tysiač USD i aktyŭna skuplalisia kiemlivymi chłopcami z hrašyma. Siońnia rezkaha patańnieńnia kvater nie nazirajecca, a samyja tannyja adnapakajoŭki trymajucca ŭ dyjapazonie 37–40 tysiač dołaraŭ. Praŭda, kali letam na rynku byli tolki małyja adnapakajovyja «chruščoŭki», to ciapier pa minimalnym košcie ŭ prodažy źjaŭlajucca i standartnyja kvatery ŭ dzieviacipaviarchovych panielnych damach z ahulnaj płoščaj kala 33–34 kvadratnych mietraŭ.

Kali heta nie zusim «dabitaja» byłymi haspadarami kvatera, to jana budzie kuplena abaviazkova.

Na druhasnym rynku žylla ciapier nazirajecca niervovaść, kali klijenty časam sami nie viedajuć, jakuju kvateru jany chočuć nabyć, abo — ci buduć kuplać žyllo ŭvohule.

Kiraŭnik ahienctva «BiełCTN» adznačaje, što, kali letam adnoj likvidnaj kvateraj mahli cikavicca za niekalki dzion 1–2 čałavieki, to ciapier takuju kvateru za hety čas prahladaje ŭžo bolš jak 10 klijentaŭ.

Siaredniaja kolkaść prahladaŭ kvater pavialičyłasia ažno ŭ 3 razy.

Pavodle statystyki infarmacyjnaha katałoha respublikanskaha vydańnia «Nieruchomaść Biełarusi», siaredni košt kvadratnaha mietra prapanovy adnapakajovych kvater składaje 1377 dołaraŭ, dvuchpakajovych — 1370, trochpakajovych — 1345, čatyrochpakajovych — 1300 dołaraŭ.

Razam z tym, jak adznačaje Mikałaj Prastałupaŭ,

siońnia realnym popytam karystajucca kvatery, kali košt kvadratnaha mietra dvuchpakajoŭki vahajecca ŭ miežach 1220–1270 dołaraŭ,

adnapakajovyja kvatery — kala 1300, a trochpakajovyja — 1200 dołaraŭ. U zaležnaści ad zručnaści miescaznachodžańnia doma, paviercha, jakaści azdableńnia, płaniroŭki i inšych faktaraŭ, kančatkovy košt kvatery moža karektavacca na plus-minus 3–5 tysiač dołaraŭ. A voś źnižki na kvatery siońnia prapanujucca minimalnyja, bo pradaŭcy ŭbačyli, što patencyjnych pakupnikoŭ stała značna bolš.

Aktyŭnaść pakupnikoŭ praciahniecca da Novaha hoda

Zhodna ź infarmacyjaj Mikałaja Prastałupava, ciapier na druhasnym rynku staličnaha žylla znachodzicca kala 8,5 tysiačy kvater, ź jakich kala 5 tysiač abjektaŭ prapanujecca na prodaž pa zavyšanym košcie bieź vialikaha šancu na realnuju realizacyju. Praŭda, sioleta ŭžo bolšaja častka pradaŭcoŭ zhadžajecca pierapisvać svaje ceńniki, kab hadami nie pakidać svaje kvatery ŭ katałohach miortvym hruzam. Z žyllom pa jaŭna zavyšanym košcie ahienctvy nieruchomaści siońnia ŭžo amal nie pracujuć. Naš ekśpiert upeŭnieny, što kvatery ŭ Minsku buduć aktyŭna nabyvacca maksimum da 25 śniežnia. A voś potym na praciahu studzienia i lutaha na rynku čakajecca miortvy siezon.

Pavieličeńnie popytu spravakavali čutki ab mahčymym pavieličeńni sabiekoštu budaŭnictva?

Asobnyja śpiecyjalisty rynku nieruchomaści źviazvajuć pavieličeńnie aktyŭnaści patencyjnych pakupnikoŭ žylla z tym, što takim čynam ludzi z hrašyma sprabujuć finansava zaścierahčy siabie ad «mahčymaj devalvacyi». Praŭda, apošnimi dniami hałoŭny bankir krainy zapeŭniŭ nasielnictva, što biełaruski rubiel niama nieabchodnaści abiasceńvać. Staršynia Nacyjanalnaha banka krainy paviedamiŭ, što kalidor vahańniaŭ kursa rubla da valutnaha košyka zapłanavany na 2011 hod u miežach plus-minus 8%.

Usio heta tak, ale ciapier klijenty z hrašyma sprabujuć prahnazavać situacyju samastojna. Tym bolš što ŭ internecie i niekatorych ŚMI pačynajuć hulać čutki ab tym, što paśla Novaha hoda z ulikam novych cen na enierhanośbity moža istotna pavialičycca i košt budaŭnictva žylla. Adnak heta nie zusim adpaviadaje hałoŭnym pryjarytetam budaŭničaj haliny, jakija praduhledžvajuć budaŭnictva ŭ bližejšyja hady kala adnaho kvadratnaha mietra žylla ŭ hod na kožnaha žychara krainy z zachavańniem jakaści hetaha budaŭnictva i strymlivańnie ŭ ekanamična abhruntavanych miežach rost cen na žyllo. Majecca na ŭvazie taki paramietr, kab košt kvadratnaha mietra kvatery adpaviadaŭ uzroŭniu siaredniaha zarobku čałavieka za miesiac. Nahadaju, što sioleta siaredni košt kvadratnaha mietra dla čarhavikoŭ składaŭ 500–650 dołaraŭ. Prykładna na takim uzroŭni pavinien zastacca košt žyllovaha kvadrata i ŭ nastupnym hodzie, paviedamiŭ načalnik upraŭleńnia žyllovaha budaŭnictva Ministerstva architektury i budaŭnictva Alaksandr Horval.

Pavialičyć dastupnaść žylla paspryjaje i apošniaje rašeńnie kiraŭnika dziaržavy, jakoje dazvalaje asobam z patrebaj u palapšeńni žyllovych umoŭ atrymlivać ilhotnyja kredyty ŭ pamiery 100% ad koštu budaŭnictva. Adnačasova pryniata rašeńnie ab abaviazkovaj zdačy žylla ŭ šmatkvaternych damach z poŭnym azdableńniem, z ulikam intaresaŭ hramadzian, jakija zmohuć vybirać varyjanty ŭłasnaha azdableńnia kvatery.

Śpiecyjalisty rynku žyllovaj nieruchomaści nie vyklučajuć varyjanta, što čutki ab mahčymym padaražańni budaŭnictva byli naŭmysna «ŭkinuty» ŭ miežach pijar-kampanii pryvatnymi kamiercyjnymi zabudoŭščykami. Nie sakret, što siońnia asobnyja kamiercyjnyja arhanizacyi majuć surjoznyja ciažkaści pry realizacyi ŭžo pabudavanaha žylla.

Vialiki vybar dolevaha budaŭnictva

Sioleta na pieršasnym rynku žylla isnuje šmat varyjantaŭ pa dolevym i kamiercyjnym budaŭnictvie.

Samyja darahija kvatery prapanujucca klijentam u novym manalitnym domie ŭ centry Minska ŭ rajonie vulicy Arłoŭskaja.

Tam kvadratny mietr kaštuje ŭ miežach 2 tysiač dołaraŭ. U žyłym kvartale «Maskoŭski», pobač z vulicaj Hołubieva, kvadratny mietr kvater u novym žyłym domie prapanujecca zabudoŭščykami pa košcie ŭ miežach 1150–1350 dołaraŭ.

Jość mahčymaść budavać elitnyja kvatery ŭ 19-paviarchovym domie ŭ kvartale vulic Surhanava-Akademičnaja. Kvadratny mietr u takich kvaterach budzie kaštavać ad 1450 da 1700 dołaraŭ. Płanujecca, što dom budzie zdadzieny ŭ IV kvartale 2011 hoda. Pa linii dolevaha budaŭnictva žycharam stalicy prapanujucca značna tańniejšyja varyjanty. Naprykład, hrupa kampanij «Tvaja stalica» pačynaje zaklučać dahavory na dolevaje budaŭnictva ŭ mikrarajonie «Kamiennaja horka», dzie kvadratny mietr kvater u šmatpaviarchovym domie kaštuje ad 950 dołaraŭ.

U novym mikrarajonie pobač ź mietro Aŭtazavodskaja, pobač z vulicaj Adeskaj dolevaje budaŭnictva kvadratnaha mietra kaštuje ad 900 dołaraŭ.

Staršynia savieta Biełaruskaj asacyjacyi «Nieruchomaść» adznačaje, što mienavita ŭ listapadzie aktyŭna zaklučajucca dahavory dolevaha budaŭnictva, kali košt žyllovaha kvadrata składaje nie bolš jak 1150 dołaraŭ. Hałoŭnym čynam u klijentaŭ dobrym popytam karystajucca adna- i dvuchpakajovyja kvatery, a voś trochpakajovyja kvatery z ahulnaj płoščaj kala 100 kvadratnych mietraŭ patencyjnych haspadaroŭ pakul nie majuć. Tut treba adznačyć, što ahučany košt kamiercyjnaha žylla praduhledžvaje kvatery biez azdableńnia. Zrazumieła, što bolš-mienš jakasnaje azdableńnie budzie kaštavać haspadaru kvatery jašče kala 25–30% ad koštu žylla.

Kredyty na ahulnych padstavach i śpiecyjalnaja prapanova

Maksimalny ŭzrovień pracentnych stavak pa kamiercyjnych žyllovych kredytach u pačatku hoda dasiahaŭ 22–26% hadavych. Potym Nacyjanalnym bankam i ŭradam krainy prymalisia aktyŭnyja miery pa źnižeńni pracentnych stavak, jakija siońnia skłalisia na ŭzroŭni 17–18,5%. Mikałaj Prastałupaŭ paviedamlaje, što ciapier nasielnictva pačało bolš aktyŭna karystacca takimi kredytami dla nabyćcia i budaŭnictva žylla. Dla raźvićcia dolevaha i kamiercyjnaha budaŭnictva kankretnych zabudoŭščykaŭ ci asobnych abjektaŭ pryvatnyja banki pačali prapanavać śpiecyjalnyja ŭmovy kredytnaj padtrymki.

Naprykład, u BPS-Banka isnuje śpiecyjalnaja kredytnaja prapanova, dzie staŭka dla čarhavikoŭ składaje 13,5%, a na ahulnych padstavach — 16,5% hadavych. Dla klijentaŭ, jakija pasprabujuć budavać darahija kvatery pa vulicy Surhanava, zabudoŭščyk «Aresa-Servis» sumiesna z BPS-Bankam prapanuje tannuju prahramu kredytavańnia, dzie pracentnaja staŭka na ahulnych padstavach składaje 12,5, a dla čarhavikoŭ — 10%.

Siarhiej Kurkač, Źviazda

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH