U hramadskaj pryjomnaj kandydata ŭ prezidenty Alaksandra Łukašenki, jakaja siońnia adčyniłasia ŭ Minsku, u byłym Domie litaratara (Frunzie, 5) adbyŭsia stychijny mitynh.

 Valer Malinoŭski pryjechaŭ na pryjom da kandydata Alaksandra Łukašenki z Rahačova.

Valer Malinoŭski pryjechaŭ na pryjom da kandydata Alaksandra Łukašenki z Rahačova.

 Nie sustreŭšysia z kandydatam, ludzi padzialilisia svaimi prablemami z žurnalistami.

Nie sustreŭšysia z kandydatam, ludzi padzialilisia svaimi prablemami z žurnalistami.

A 8-j ranicy

tudy pryjšło bolš za paŭsotni čałaviek z skarhami na niespraviadlivyja rašeńni sudoŭ, čynoŭnickaje samaŭpraŭstva
i inšymi prablemami. Ludzi pryjechali z usioj krainy,
jany patrabavali sustrečy z kandydatam Łukašenkam.
Byli i transparanty. «Hospodin priezidient, kohda budiet zadieržana korieličskaja banda, ubivšaja moju niesovieršiennoletniuju doč!» — taki płakat trymaŭ adzin z udzielnikaŭ.

U pryjomnaj vidavočna nie čakali takoha ažyjatažu. «Vam kaho, tavaryšy? Vy ŭ jakim pytańni?» — pytaje małady čałaviek na ŭvachodzie. Adkazvajem, što pryjšli pabačyć pracu adčynienaj siońnia hramadskaj pryjomnaj. Małady čałaviek supakojvajecca. U faje niekalki dziasiatkaŭ čałaviek, pieravažna žančyny stałaha vieku. Niekatoryja ź ich raniej byli zaŭvažanyja na akcyjach hrupy žančyn — svajačak asudžanych, a taksama nie zhodnych z rašeńniami sudoŭ.

Da prośbitaŭ vyjšaŭ siabra inicyjatyŭnaj hrupy Łukašenki Vasil Kazak i paviedamiŭ, što asabistaha pryjomu nie budzie.
U adkaz naviedniki pryjomnaj skłali zajavu, u jakoj zapatrabavali paviedamić, kali i dzie adbudziecca sustreča z kandydatam A. Łukašenkam, a taksama patłumačyć pryčynu admovy sustrecca ź imi asabista. Zajavu padpisali 34 čałavieki.
Jašče ranicaj kala 70 čałaviek padpisali kalektyŭnuju zajavu, u jakoj vykazali pratest suprać biezzakońnia z boku čynoŭnikaŭ, sudździaŭ i rabotnikaŭ pravaachoŭnych orhanaŭ.
Zajavy byli pieradadzienyja ŭ pryjomnuju.

Nie dačakaŭšysia sustrečy z kandydatam, ludzi pačali dzialicca svaimi prablemami z žurnalistami.

«Nas źjadnała biada», — kaža Lilija Uvarava z Homiela, jakaja dabivajecca pierahladu spravy svajho syna. Pavodle słovaŭ žančyny, usie hetyja ludzi paznajomilisia ŭ čerhach u dziaržaŭnyja ustanovy, dzie sprabavali dabicca praŭdy: padtrymlivali adno adnaho, dapamahali składać skarhi.

«Ja pryjechaŭ z Bresta, a jon z Homiela. A ŭsio čamu? Bo paŭsiul biezzakońnie i padman»,
— kaža mužčyna. Jahony kaleha z Homiela praciahvaje:
«I samaje kryŭdnaje, što heta ŭsio sychodzić ad sudovych orhanaŭ i prakuratury — tych, chto musić baranić našy intaresy».

Valer Malinoŭski z Rahačova prapanuje prahulacca da jahonaha aŭto. Jon prachodzić pa kryminalnaj spravie ŭ jakaści paciarpiełaha, ź jahonaj historyjaj aznajomiłasia kala saraka sudździaŭ, a rašeńnia ad 2007 hoda tak i niama. Biare ŭ sałonie lehkavika kanviert, pakazvaje.

«Dva hady chadžu pa sudach, strašenna stamiŭsia. Ale paŭsiul adny adpiski dy farmalnaść. Niby nie ludzi, a niejkija robaty».
Valer šeść miesiacaŭ sprabuje trapić na pryjom da staršyni Viarchoŭnaha suda Valancina Sukały: «Pa telefonie zvaniu ceły dzień — nie zdymajuć, a potym voźmuć słuchaŭku dy skažuć, što na siońnia pryjom zajaŭ skončyŭsia. Dobra, pryjechaŭ sam. Zajšoŭ u pryjomnuju, napisaŭ zajavu. Viarnuŭsia ŭ Rečycu i nieŭzabavie prychodzić adkaz — u pryjomie zajavy admoŭlena, bo ŭ joj nie ŭkazanaja nahoda dla sustrečy z sudździoj».

«My patrabujem tolki asabistaj sustrečy z Łukašenkam! Chiba jon nie bačyć, što robiać jahonyja padnačalenyja, sudździ i prakurory?» Ludzi zajavili, što zastanucca ŭ hramadskaj pryjomnaj kandydata da jaje zakryćcia.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?