23 listapada ŭ Minsku adbudziecca štohadovaje sumiesnaje pasiadžeńnie kalehii ministerstvaŭ zamiežnych spraŭ Respubliki Biełaruś i Rasijskaj Fiederacyi, jakaja projdzie pad staršynstvam kiraŭnikoŭ źniešniepalityčnych viedamstvaŭ dźviuch krain Siarhieja Martynava i Siarhieja Łaŭrova.

Jak paviedamiŭ 18 listapada na bryfinhu pres-sakratar MZS Andrej Savinych, padčas pasiadžeńnia členy kalehij razhledziać pytańni, źviazanyja ź dziejnaściu mižuradavych intehracyjnych ab`iadnańniaŭ na prastory SND.

«Vysokapastaŭlenyja pradstaŭniki dypłamatyčnaha korpusa dźviuch krain abmiarkujuć prablematyku ŭzajemaadnosinaŭ ź Jeŭrapiejskim sajuzam i chod padrychtoŭki da čarhovaha samita ABSIE», — paviedamiŭ pres-sakratar.

Pa vynikach pasiadžeńnia płanujecca padpisać płan kansultacyj pamiž ministerstvami zamiežnych spraŭ dźviuch krain. Hety dakumient, zaznačyŭ Savinych, «ź`iaŭlajecca dziejsnym praktyčnym instrumientam uzhadnieńnia źniešniepalityčnych pazicyj pa ŭsim śpiektry aktualnych pytańniaŭ mižnarodnaha paradku dnia».

Zapłanavana taksama praviadzieńnie dvuchbakovaj sustrečy Martynava i Łaŭrova, padčas jakoj ministry abmianiajucca dumkami pa najbolš važnych pytańniach biełaruska-rasijskaha supracoŭnictva, paviedamiŭ pres-sakratar.

Pavodle jaho słoŭ, surazmoŭcy taksama abmiarkujuć chod vykanańnia Prahramy ŭzhodnienych dziejańniaŭ u śfiery źniešniaj palityki dziaržaŭ — udzielnic Dahavora ab stvareńni Sajuznaj dziaržavy.

Aprača taho, prahramaj praduhledžany ŭdzieł kiraŭnikoŭ źniešniepalityčnych viedamstvaŭ Biełarusi i Rasii va ŭračystaj cyrymonii adkryćcia Rasijskaha centra navuki i kultury ŭ Minsku.

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?