Pazityŭny prahres u adnosinach Biełarusi ź Jeŭrasajuzam adpaviadaje intaresam usich, zajaviŭ 18 listapada na bryfinhu pres-sakratar biełaruskaha MZS Andrej Savinych.

«Pazicyja Biełarusi prazrystaja i vidavočnaja: my vystupajem za raźvićcio supracoŭnictva pa ŭsich kirunkach», — padkreśliŭ pres-sakratar, kamientujučy ŭčarašniuju zajavu kiraŭnika biełaruskaha pradstaŭnictva ES Žana-Eryka Cholcapfiela.

Nahadajem, 17 listapada ŭ Minsku na pasiadžeńni kruhłaha stała «Respublika Biełaruś — Jeŭrapiejski sajuz: stratehija ŭzajemadziejańnia ŭ histaryčnaj pierśpiektyvie» Cholcapfiel zajaviŭ, što Jeŭrasajuz hatovy adnavić pieramovy ź Biełaruśsiu pa pahadnieńniach ab partniorstvie i supracoŭnictvie i ab svabodnym handli tolki ŭ vypadku prahresu ŭ prapanavanych ES «piaci klučavych śfierach». Jon nahadaŭ, što klučavyja śfiery «źviazany z adsutnaściu palityčnych źniavolenych, svabodnymi i spraviadlivymi vybarami, raźvitymi ŚMI, svabodaj asacyjacyj i rucham da admieny śmiarotnaj kary».

Savinych zaznačyŭ, što Biełaruś viadzie pastajanny dyjałoh ź Jeŭrasajuzam «pa šerahu pytańniaŭ». «U miežach ES isnujuć roznyja punkty hledžańnia na toje, jak chutka pavinien iści hety praces, — padkreśliŭ Savinych. — My ŭpeŭnieny, što pazityŭny prahres adpaviadaje intaresam usich».

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?