Kandydat u prezidenty ad Partyi BNF Ryhor Kastusioŭ padaŭ u CVK zajavu ab rehistracyi svaich davieranych asobaŭ. U śpis z 24 čałaviek Ryhor Kastusioŭ uklučyŭ palitviaźnia Mikałaja Aŭtuchoviča.

Pra heta paviedamiła pres-słužba BNF.

«Partyja BNF zaŭsiody vystupała za vyzvaleńnie ŭsich palitźniavolenych u Biełarusi, z hetaj nahody nieadnarazova rabilisia zajavy jak asobnymi palitykami, tak i orhanami kiravańnia Partyi BNF, — adznačyŭ Ryhor Kastusioŭ.

Uklučeńniem Mikałaja Aŭtuchoviča u skład davieranych asobaŭ ja chacieŭ zaśviedčyć salidarnaść z usimi palitviaźniami».

Taksama ŭ śpisie davieranych asobaŭ Ryhora Kastusiova — lidar ruchu «Za svabodu» Alaksandr Milinkievič, jaho daradca Aleś Łahviniec, staršynia Partyi BNF Alaksiej Janukievič, lider słonimskaj supołki Partyi BNF Ivan Šeha, lidar moładzievaj arhanizacyi «Pravy Aljans» Juryj Karetnikaŭ, lidar pradprymalnickaha ruchu ŭ Baranavičach Mikałaj Čarnavus dy inš.

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?