Namieśniku staršyni mižnarodnaj maładziožnaj arhanizacyi «Małady front"21-hadovamu Alesiu Kirkieviču vyniesiena papiaredžańnie za dziejnaść ad imia niezarehistravanaj arhanizacyi. Hrodzienskaja prakuratura 18 listapada papiaredziła aktyvista, što ŭ vypadku praciahu dziejnaści ad imia «Maładoha frontu» jon budzie pryciahnuty da adkaznaści pa artykule 193–1 Kryminalnaha kodeksa Biełarusi.

Jak paviedamiŭ lidar arhanizacyi Źmicier Daškievič, papiaredžańnie Kirkieviču było vyniesienaje pa fakcie zajavy, jakuju pad prymusam supracoŭnikaŭ śpiecsłužb napisała maci adnaho z aktyvistaŭ hrodzienskaha adździaleńnia arhanizacyi.

«Niekalki dzion tamu na pracu da maci našaha aktyvista Tamaša Prychoda pryjšli supracoŭniki KDB i, pahražajučy joj i synu prablemami, prymusili napisać zajavu na Kirkieviča — byccam by toj uciahvaje niepaŭnahadovych u „niezakonnuju“ dziejnaść. U prakuratury z Kirkieviča chacieli ŭziać abaviazacielstva nie zajmacca bolš „Maładym frontam“ i, maŭlaŭ, nie ŭciahvać moładź u niezakonnyja farmiravańni. Jon takija abaviazacielstvy padpisvać admoviŭsia, bo nie ličyć svaju dziejnaść supraćzakonnaj», — paviedamiŭ Daškievič.

«Vidavočna, što Łukašenka nie moža spadziavacca na padtrymku moładzi, i tamu my jak i pierad vybarami 2006 hoda pačynajem sustrakacca ź pieraśledam pavodle artykuła 193–1. 19 śniežnia my musim spynić raźvićcio hetaj mazaičnaj psichapatyi ŭ našaj krainie», — zajaviŭ Daškievič.

Nahadajem, artykuł 193–1 Kryminalnaha kodeksa praduhledžvaje adkaznaść za dziejnaść ad imia niezarehistravanaj arhanizacyi. Hramadskaść i pravaabaroncy ličać, što jon nie adpaviadaje Kanstytucyi, i patrabujuć vydaleńnia jaho z Kryminalnaha kodeksa. Kampanija «Stop 193–1» startavała viasnoj 2009 hoda. U jaje miežach aktyvisty NDA dasyłali adozvy ŭ parłamient, Hienprakuraturu i inšyja dziaržorhany z patrabavańniem likvidavać artykuł 193–1 KK. Akramia taho, u internecie byli raźmieščanyja tematyčnyja multfilmy, u Minsku było arhanizavana simvaličnaje šeście «niezarehistravanaj arhanizacyi Dziadoŭ Marozaŭ i Śniahuračak».

Pavodle źviestak pravaabaroncaŭ, z momantu ŭviadzieńnia ŭ dziejańnie hetaha artykuła KK (u 2005 hodzie) na jaho padstavie było asudžana 17 čałaviek.

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?