Kazachstan paabiacaŭ pravieści «narodnaje» IPO častki aktyvaŭ suvierennaha fondu «Samruk-Kazyna» — najbujniejšaha chołdynhu krainy, jaki vałodaje dolami ŭ kampanijach i bankach ahulnym koštam $70 miljardaŭ.

«Litaralna dva dni tamu my… pryniali pryncypovaje rašeńnie pa pytańni pryvatyzacyi i mahčymaha raźmiaščeńnia akcyj, tak zvanaha «narodnaha» IPO dla kazachstanskich hramadzian, u tym liku dla piensijnych fondaŭ, kampanij, jakija ŭvachodziać u skład «Samruk-Kazyna», — skazaŭ prem'jer-ministr Karym Masimaŭ u čaćvier.

U studzieni fond, jaki ŭklučaje siarod inšaha nacyjanalnuju naftazdabyŭnuju kampaniju «Kazmunajhaz», sumiesna z uradam, Nacbankam i finansavymi rehulatarami padrychtuje «maštabnuju prahramu raźvićcia kazachstanskaha fondavaha rynku».

«Vielmi važna, kab hramadzianie Kazachstana mieli mahčymaść kupić hetyja akcyi pieršymi», — skazaŭ Masimaŭ na ekanamičnym forumie.

U lipieni kiraŭnik fondu skazaŭ, što «Samruk-Kazyna» razhladaje mahčymaść pryciahnuć u 2010 hodzie da $6 młrd kitajskich i rasijskich kredytaŭ dla finansavańnia prajektaŭ madernizacyi syravinnaj ekanomiki.

«Samruk-Kazyna» pazyčyŭ u minułym hodzie $13 miljardaŭ u Kitai i atrymaŭ kredytnuju liniju rasijskaha «Źniešekanambanka» na $3 młrd.

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?