Techničny praces niaspynna ruchajecca napierad, achoplivajučy ŭsio novyja i novyja śfiery žyćcia. Ciapier užo i dla zvyčajnaha sabaki na rynku źjavilisia dziesiatki techničnych pryładaŭ. Na čatyrochłapaha lubimca možna patracić nie adnu tysiaču dalaraŭ, było b žadańnie. I

niachaj niekatoryja viaskoŭcy złujucca — maŭlaŭ, sabaka musić być sabakam! Žyć na vulicy, čakać kostki i haniać katoŭ pa susiednich dvarach.
Niazhodnyja ź imi ŭžo pradstavili svaje vynachodnictvy, kab zrabić cikaviejšym žyćcio sabie ci lubimamu hadavancu.

Pradstaŭlajem svojeasablivy TOP-5 karysnych «prybambasaŭ», jakija možna prydbać dla svajho čatyrochłapaha lubimca.

Biehavaja darožka

Biehavaja darožka

Stamiŭsia...

Stamiŭsia...

Radyjoašyjnik dla dresiroŭki

Radyjoašyjnik dla dresiroŭki

1. Sabačaje koła.

«Sabačniki» viedajuć, što najbolš času vymahajuć sumiesnyja prahułki ź lubimym źvieram. Jany patrebnyja nie tolki dla taho, kab dać mahčymaść schadzić u tualet nie na dyvan i nie ŭ kut pakoja, ale i kab trymać sabaku ŭ tonusie. Dla haspadaroŭ, jakija nie majuć času na hadzinnuju prabiežku, amierykanskaja kampanija GoPet prydumała pryładu Tread Wheel — svojeasablivaje sabačaje koła. Kali mieć jaho ŭ kvatery, dastatkova vyvieści hadavanca na piać chvilin, a paśla pasadzić jaho ŭ koła. Takoje samaje, jak dla vaviorak, tolki bolšaje pamieram.

Varyjant dla maleńkich sabak kaštuje kala $350, dla bolšych — kala $850. Takija ceny ŭkazanyja na sajcie amierykanskaha vytvorcy, ale pry źjaŭleńni popytu kitajskija kampanii abaviazkova vypuściać tanny anałah.

2. Biehavaja darožka.

Kali nie chapaje niervaŭ hladzieć na toje, jak hadavaniec ledź stohnie, nie spraŭlajučysia z chutkaściu koła, jość jašče varyjant. Za $575 amierykancy prapanujuć śpiecyjalnuju biehavuju darožku. Zhadziciesia, saskočyć ź jaje našmat praściej, čym spynić koła. A 

efiekt toj samy — sabaka ŭ dobraj fizičnaj formie, a haspadar nie hublaje čas na doŭhija prahułki.
Amierykancy ŭdakładniajuć, što ich trenažer, choć i darahi, nie prynosić škodu sustavam sabak, u adroźnieńni ad praduktu kankurentaŭ.

3. GPS-navihatar.

Śpiecyjalnaja pryłada dla sabak, jakija hulajuć sami pa sabie. Chulihany, ažyŭlony haradskich ruch, pahonia za katom — ci mała dla sabaki pryčyn, kab nie znajści darohu da rodnaha padjezdu? A paśla słupy i dźviery padjezdaŭ zaklejvajucca samotnaj abjavaj «Zhubiŭsia»…

Kab haspadar zaŭsiody moh daviedacca, dzie jahony lubimiec, u śpiecyjalny ašyjnik možna ustavić sim-kartku.
Kali adpravić sa smartfona zapyt ab miescaznachodžańni sabaki, u adkaz pryjdzie SMS-paviedamleńnie z ukazańniem prybliznaha adrasu. Značycca, možna śpiašacca na dapamohu. Voś tolki kab nie atrymałasia, što chulihany buduć palavać nie na sabaku, a na ašyjnik, jaki kaštuje bolš za $60... Kamplekt razam z prahramnym zabieśpiačeńniem abyjdziecca jak minimum u $200.

4. Radyjoašyjnik

Jaho zvyčajna vykarystoŭvajuć dla dresiroŭki. U kamplekcie iduć ašyjnik i svojeasablivaja racyja ź dźviuma knopkami. Ich pryznačeńnie prostaje — papiaredzić i pakarać. Vytvorcy ŭpeŭnienyja, što

elektraimpulsy prymusiać sabaku zadumacca nad svaimi pavodzinami i chutka pryvyknuć da novaj kamandy.
Hałoŭnaje — nie pierastaracca pry pakarańni. Aparatura kaštuje ad $250 i bolš.

5. Ašyjnik suprać brechu

U vašuju adsutnaść sabaka prosta nadryvajecca ad brechu? Ci to tak sumuje, ci to pakazvaje, chto ŭ chacie sapraŭdny haspadar. A časam až zachodzicca brecham unačy… Kali susiedzi abiacajuć u nastupny raz vyklikać milicyju, možna praduchilić niepryjemnuju situacyju i nabyć śpiecyjalny ašyjnik.

Kali pačynajecca brech, datčyki spracoŭvajuć na vahańni ŭ horle i ŭździejničajuć paŭsiekundnym biaśpiečnym, ale niepryjemnym elektrastymulavańniem.
Kali sabaka nie zdajecca, praz try siekundy ŭzrovień stymulavańnia pavyšajecca. I tak da pieramožnaj cišyni. Košt pryłady składaje kala 40 tysiač biełaruskich rubloŭ.
Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?