Sidorski pryviazie ź inviestycyjnaha forumu $2,7 miljarda? 1

Kala 20 inviestycyjnych damoŭ na sumu $2,7 miljarda było padpisana na Biełaruskim inviestycyjnym forumie ŭ Frankfurcie-na-Majnie. Pra heta paviedamiŭ prem'jer-ministr Biełarusi Siarhiej Sidorski, padvodziačy vyniki foruma.

«Učora padpisana 20 damoŭ, jany datyčacca jak raźvićcia ekanomiki Biełarusi z udziełam niamieckaha kapitału, tak i z udziełam kapitału inšych krain ES», — skazaŭ prem'jer-ministr.

U jakaści prykładu bujnych prajektaŭ Siarhiej Sidorski nazvaŭ budaŭnictva novaha listaprakatnahu zavodu ŭ Žłobinie sumiesna ź italjanskaj kampanijaj. Užo ŭ najbližejšyja miesiacy budzie padrychtavany biznes-płan hetaha prajekta. Mierkavany abjom inviestavańnia — 0,6–1 miljarda jeŭra.

Akramia taho, dasiahnuta damoŭlenaść pra stvareńnie jašče adnoj vytvorčaści škła ŭ Homieli.

Taksama było padpisana damova pra budaŭnictva pradpryjemstva ŭ Smarhoni z abjomam inviestycyj 200 miljonaŭ jeŭra. Płanujecca, što ŭsia vyrablenaja na im pradukcyja budzie ekspartavacca.

Padpisańnie inviestycyjnych damovaŭ nie harantuje vykanańnia prajektaŭ. Heta svojeasablivaja dekłaracyja ab namierach.

BiełTA

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH