Vystava žyvapisu Uładzimira Chadaroviča adkryłasia 17 listapada ŭ minskaj mastackaj halerei "ŁaSandr-art" (Ramanaŭskaja Słabada, 24).

Jak paviedamiła dyrektar halerei Łarysa Bortnik, na vystavie, jakaja pravodzicca ŭ ramkach Respublikanskaha fiestyvalu vyjaŭlenčaha mastactva, pradstaŭlena 20 piejzažaŭ i naciurmortaŭ, stvoranych mastakom za apošniaje dziesiacihodździe.

Chadarovič atrymaŭ šyrokuju viadomaść jak majstar naciurmorta, napoŭnienaha zamiłavalnym staŭleńniem da pradmietaŭ nacyjanalnaha sialanskaha pobytu. Staradaŭnija falijanty, padśviečniki, abrazy i damatkanyja ručniki słužać mastaku srodkam asensavańnia adviečnych nacyjanalnych kaštoŭnaściaŭ.

***

Chadarovič naradziŭsia 27 lipienia 1947 hoda ŭ Słucku (Minskaja vobłaść). Vučyŭsia ŭ mastackaj studyi Anatola Baranoŭskaha. U 1967 hodzie skončyŭ Minskaje mastackaje vučylišča, praź dziesiać hadoŭ — Biełaruski teatralna-mastacki instytut. Z 1988 hoda člen Biełaruskaha sajuza mastakoŭ. U mastackich vystavach udzielničaje z 1977 hoda. Piersanalnyja ekspazicyi Chadaroviča demanstravalisia ŭ Biełarusi, Rasii, Litvie, Hiermanii i Francyi.

Vystava pracuje da 11 śniežnia.

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?