Centrvybarkam siońnia prymie rašeńnie ab rehistracyi kandydataŭ u prezidenty Biełarusi. Pasiadžeńnie CVK pačniecca ŭ 12.00 u Pałacy Respubliki.

 Fota Radyjo Svaboda

Fota Radyjo Svaboda

Na jaho zaprošany pretendenty na pasadu kiraŭnika dziaržavy i kiraŭniki ich inicyjatyŭnych hrup. Asabistaja prysutnaść patencyjnych kandydataŭ nieabaviazkovaja,

adnak čakajecca, što Alaksandr Łukašenka naviedaje pasiadžeńnie, paviedamili ŭ Centrvybarkamie.

Nahadajem, zajavu ab zhodzie bałatavacca kandydatam u prezidenty ŭ CVK pieradali 11 čałaviek:

— namieśnik staršyni Partyi BNF Ryhor Kastusioŭ;

— dziejny prezident Alaksandr Łukašenka;

— kiraŭnik sajuza «Za madernizacyju» Aleś Michalevič;

— lidar hramadzianskaj kampanii «Havary praŭdu!» Uładzimir Niaklajeŭ;

— indyvidualny pradprymalnik ź Viciebska Uładzimir Pravalski;

— namieśnik staršyni Abjadnanaj hramadzianskaj partyi Jarasłaŭ Ramančuk;

— sustaršynia arhkamiteta pa stvareńni partyi «Biełaruskaja chryścijanskaja demakratyja» Vital Rymašeŭski;

— lidar kampanii «Jeŭrapiejskaja Biełaruś» Andrej Sańnikaŭ;

— lidar arhkamiteta pa stvareńni Biełaruskaj sacyjał-demakratyčnaj partyi (Narodnaja Hramada) Mikałaj Statkievič;

— ekanamist Viktar Ciareščanka;

— dyrektar TDA «Tryvium» Dźmitryj Us.

U CVK užo zajavili, što niama šancaŭ stać kandydatam u prezidenty va Uładzimira Pravalskaha, jaki nie zdoleŭ sabrać nieabchodnyja dla rehistracyi 100 tysiač podpisaŭ.

Paśla rehistracyi kandydaty ŭ prezidenty zmohuć pačać ahitacyjnuju kampaniju.

Na siońniašnim pasiadžeńni CVK projdzie losavańnie efirnaha času dla vystupleńniaŭ kandydataŭ. Jak paviedamlałasia raniej, vystupleńni pa telebačańni buduć prachodzić z 22 listapada pa 3 śniežnia ŭ rabočyja dni z 19.00 da 20.00, pa radyjo — z 6.00 da 7.10. Paśla 3 śniežnia kandydaty ŭ prezidenty zmohuć uziać udzieł u tele- i radyjodebatach.

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?