Na Madahaskary adbyŭsia vajskovy pieravarot pry ŭdziele pałkoŭnika Šarla Andryjanasaaviny. Jon zajaviŭ, što ŭłada ŭ krainie naležyć zaraz nie prezidentu Andre Ražuelinie, a jamu i hrupie vysokapastaŭlenych vajskoŭcaŭ. Miescaznachodžańnie byłoha prezidenta zastajecca nieviadomym.

Pieravarot adbyŭsia ŭ dzień refierendumu pa pytańni źmieny kanstytucyi Madahaskara, pra bajkot jakoha abviaścili ŭsie apazicyjnyja partyi ŭ krainie.
Papraŭki dazvolili b prezidentu zastavacca va ŭłady biesterminova.

Ludzi, niahledziačy na pieravarot, praciahvajuć hałasavać, bo mnohija žychary krainy nie viedajuć pra zachop ułady. Miascovyja srodki masavaj infarmacyi pra pieravarot nie paviedamlajuć.

Arhanizatary pieravarotu zaklikali narod Madahaskara da spakoju i zajavili, što praca ŭsich dziaržaŭnych instytutaŭ prypyniajecca. Kiravać krainaj budzie nacyjanalny kamitet, jaho skład jašče nie abvieščany. Vajennaja chunta źbirajecca vyzvalić usich palityčnych źniavolenych.

Prezident Andre Ražuelina pryjšoŭ da ŭłady na Madahaskary ŭviesnu 2009 hady ŭ vyniku dziaržaŭnaha pieravarotu. Pryčynaj pieravarotu tady stała žadańnie papiaredniaha lidara krainy ŭstalavać dyktaturu.
Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?