Prastuda — mabyć, samaja raspaŭsiudžanaja niemač, asabliva ŭ chałodnuju paru hoda. I jość niamała sposabaŭ, jak ad jaje pazbavicca.
Kali załažyła nos
Ličycca, što kali nasmark užo pačaŭsia, to zmahacca ź im biessensoŭna i vy asudžanyja nie rasstavacca z nasoŭkaj na praciahu cełaha tydnia. Adnak heta nie zusim tak. Kali pačać lačycca svoječasova, možna pazbavicca ad jaho ŭsiaho za paru dzion.
Adzin z samych efiektyŭnych sposabaŭ baraćby z załožanym nosam — paravyja inhalacyi. Dadajcie ŭ kipień niekalki kroplaŭ efirnaha aleju mientołu abo eŭkaliptu, nakryjcie hałavu ručnikom i padychajcie nad miskaj kipieniu. Eŭkalipt i mientoł vałodajuć supraćzapalenčymi ŭłaścivaściami i prykmietna palahčajuć dychańnie. Niadrenna, kali akramia hetych alejaŭ vy dabavicie ŭ vadu trochi suchoj karycy (jana dapamoža sahrecca i prapacieć) abo 1/4 čajnaj łyžki kajenskaha piercu (palapšaje krovazvarot i zmahajecca ź virusami).
Jašče adzin viadomy srodak suprać nasmarku — dobra paparyć nohi pierad snom. Ale rabić heta treba nie daŭžej za 5 chvilin.
Kali zamučyŭ kašal
Pry pieršych ža prykmietach kašlu vaša hałoŭnaja zadača — dobra prahrecca i ŭzmacnić imunitet, kab dapamahčy arhanizmu pazbavicca ad hetaj napaści.
Dobry sahravalny efiekt daje nastoj miaty piarcovaj. Stałovuju łyžku miaty zalicie šklankaj kipieniu, nahravajcie 5 chvilin na słabym ahni, pracadzicie. Zatym raźmiašajcie ŭ hetym nastoi čajnuju łyžku miodu, sok čvertački limona i vypicie nastoj haračym pierad snom. Dla zamacavańnia efiektu niadrenna zrabić haračy kampres, źmiašaŭšy try častki haračaj vady z adnoj častkaj jabłyčnaha vocatu. Kampres prykładvajuć da horła i hrudziej na 15—20 chvilin.
A kab umacavać achoŭnyja siły arhanizma, varta nalahać na askarbinku i pradukty, jakija na jaje bahatyja (cytrusavyja, śviežaja aharodnina).
Kali balić horła
Spravicca z bolem u horle dapamoža pałaskańnie ciopłaj vadoj, u jakuju dadajuć niekalki kroplaŭ eŭkaliptavaha, čabarovaha abo kiparysavaha aleju. Usie hetyja raśliny akazvajuć antybakteryjalnaje dziejańnie i zmahajucca ź infiekcyjaj.
Dobra dapamahaje i haračaja vanna, u jakuju dabaŭlena 10 kroplaŭ aleju łavandy i 5 kroplaŭ karyčnaha aleju. Adnak kali, akramia bolu ŭ horle, u vas jašče i tempieratura padniałasia, vannu lepš admianić: haračaja vada ŭ spałučeńni z haračkaj daje zanadta vialikuju nahruzku na serca. Tamu zamiest vanny lepš prosta raścierci stupni ćviordym ručnikom.
Amataram piva spadabajecca taki supraćprastudny recept: stałovuju łyžku vysušanaha liścia padbiełu zavarvajuć jak harbatu ŭ šklancy kipieniu. Pracedžvajuć, dadajuć stałovuju łyžku miodu i try stałovyja łyžki piva. Prymajuć ciopłym pa stałovaj łyžcy 2—3 razy na dzień. Darečy, piva možna prymianiać i ŭ jakaści kampresu, kali śpirtavyja kampresy razdražniajuć skuru šyi. Nahrejcie šklanku piva da 30 hradusaŭ, dadajcie 1 čajnuju łyžku miodu i raźmiašajcie da rastvareńnia miodu. Namačycie ŭ hetaj sumiesi survetku, abkrucicie joju šyju i ŭchutajciesia ciopłym šalikam.
