Kurs dalara ZŠA pavodle vynikaŭ biržavych tarhoŭ, jakija prajšli 15 listapada, uzros na 1 rubiel i skłaŭ 3.035 rubloŭ. Heta źjaŭlajecca histaryčnym maksimumam koštu amierykanskaj valuty.
Pavodle źviestak Biełaruskaj valutna-fondavaj biržy, u tarhach dalaram brali ŭdzieł 25 bankaŭ. Abjom tarhoŭ skłaŭ 76 młn. 363 tys. dołaraŭ (popyt — 76 młn. 363 tys., prapanova — 54 młn. 67 tys.).
U tarhach rasijskim rublom brali ŭdzieł 27 bankaŭ. Kurs źniziŭsia na 0,26 rubla i skłaŭ 98,34 rubla. Abjom tarhoŭ skłaŭ 372 młn. 740 tys. rasijskich rubloŭ (popyt — 372 młn. 728 tys., prapanova — 389 młn. 481 tys.).
U tarhach jeŭra ŭziali ŭdzieł 27 bankaŭ. Abjom ździełak skłaŭ 12 młn. 279 tys. (popyt — 12 młn. 279 tys., prapanova — 6 młn. 138 tys.),
a kurs nie źmianiŭsia i składaje 4.138 rubloŭ.
U adnosinach da valutnaha košyka (dalar ZŠA, jeŭra, rasijski rubiel) biełaruski rubiel umacavaŭsia na 0,08% u paraŭnańni z papiarednim značeńniem: košt košyka skłaŭ 1.072,95 rubla.
Z pačatku hoda kurs biełaruskaha rubla da valutnaha košyka źniziŭsia na 3,54%. Pry hetym da dalara ZŠA kurs źniziŭsia na 6,01%, da rasijskaha rubla — na 3,89%, da jeŭra — na 0,80%.
Na 2010 hod kalidor vahańniaŭ kursu biełaruskaha rubla ŭ adnosinach da košyka valut ustanoŭleny ŭ miežach plus/minus 10%.
