Vystupleńni kandydataŭ u prezidenty prahučać u tele- i radyjoefiry z 22 listapada pa 3 śniežnia. Ab hetym paviedamiła siońnia staršynia Centralnaj kamisii pa vybarach i praviadzieńniu respublikanskich refierendumaŭ Lidzija Jarmošyna na sustrečy ź mižnarodnymi nahladalnikami BDIPČ ABSIE.
Pavodle słoŭ Lidzii Jarmošynaj,
paśla rehistracyi kandydataŭ adbudziecca žarabjoŭka, u čas jakoj budzie vyznačana, kali vystupić kožny z kandydataŭ.
Staršynia CVK padkreśliła, što ŭ chodzie hetaj vybarčaj kampanii Nacyjanalnaja teleradyjokampanija zmahła pradastavić kandydatam lepšy efirny čas. Tak, ich vystupleńni ŭ teleefiry buduć pakazany z 19.00 da 20.00 u rabočyja dni — mienavita tady, kali bolšaść vybarščykaŭ, viarnuŭšysia dadomu paśla raboty, uklučajuć televizar.
U radyjoefiry kandydaty vystupiać z 6.00 da 07.10 — u toj pieryjad, kali bolšaść ludziej słuchajuć radyjo doma na kuchni pierad adychodam na rabotu. Lidzija Jarmošyna ličyć, što vybranyja ciapier pramiežki času bolš zručnyja ŭ paraŭnańni z 2006 hodam, kali kandydaty vystupali z 8.00 da 9.00 pa radyjo i z 18.00 da 19.00 u teleefiry.
Staršynia CVK nahadała, što ŭ biahučym hodzie ŭ Biełarusi ŭpieršyniu praduhledžana mahčymaść udziełu kandydataŭ u teledebatach. Adkazvajučy na pytańnieab mahčymym źmianieńni farmatu teledebataŭ i ich pakazie ŭ pramym efiry, a nie ŭ zapisie, jak płanavałasia, Lidzija Jarmošyna skazała, što heta pytańnie ciapier abmiarkoŭvajecca z pradstaŭnikami Nacyjanalnaj teleradyjokampanii,
i da 26 listapada (apošniaha terminu padačy zajaŭ kandydatami na ŭdzieł u teledebatach) «usie arhanizacyjnyja pytańni buduć vyrašany».
