Karp ŭ pivie

1 karp, 50 h masła, 2 cybuliny, 1–2 korania piatruški, 2 morkvy, 1 č. łyžka miodu, sol, śpiecyi pa smaku, 1–2 šklanki śvietłaha piva.

Padrychtavanaha karpa narezać siarednimi kavałkami. U niehłybokuju kastrulu, zmazanuju masłam, pakłaści kavałki ryby, advolna narezanuju harodninu, dadać śpiecyi (možna skarystacca hatovaj sumieśsiu vostrych prypraŭ dla ryby) i raźviedzieny ŭ vadzie miod. Usie zalić pivam. Davieści sumieś da kipieńnia i varyć 6–8 chvilin. Zatym źmienšyć ahoń i varyć da hatoŭnaści ryby. Hatovuju rybu pakłaści na talerku, harniravać advarnoj harodninaj, upryhožyć zielaninaj. Bulon, u jakim varyłasia ryba, pracadzić i padać jak sous.

Karp zapiečany

1 karp, 2 cybuliny, 2 st. łyžki masła, ½ limona, zielanina piatruški, sol, mołaty pierac da hustu.

Śviežuju rybu ačyścić i vypatrašyć za dzień da zapiakańnia.

Źlohku pasalić, pasypać piercam, pakrapić limonnym sokam, pasypać drobna narezanaj cybulaj. Pastavić u dobra razahretuju duchoŭku za 30 chvilin da padačy na stoł. Padčas zapiakańnia pieryjadyčna palivać rybu sokam, jaki utvarajecca pry zapiakańni. Pa miery vypareńnia vadkaści dadavać haračuju vadu.

Hatovuju rybu pasypać drobna siečanaj zielaninaj piatruški. Na harnir padać advarnuju abo smažanuju bulbu, listavuju sałatu.

Kab nadać rybie bolš pikantny smak, možna padrychtavanaha apisanym vyšej sposabam karpa nacierci pierad zapiakańniem rastoŭčanym z sollu časnakom (2–3 dolkami) i pakinuć jaho ŭ chaładzilniku na 30 chvilin, a pry zapiakańnia ŭlić na blachu ½ šklanki biełaha suchoha vina i 2 st. łyžki aleju, a taksama dadać 1 st. łyžku tamatu-piure, łaŭrovy list i niekalki harošyn duchmianaha piercu.

Karp z chrenam i jabłykami

1 karp, 2 st. łyžki 3%-ha vocatu, 1 cybulina, piatruška, sielderej, sol, čorny i čyrvony mołaty pierac, łaŭrovy list da hustu. Dla sousu: 130 h chrenu, 1–2 jabłyki, 1/3 šklanki 3%-ha vocatu, 1/3 šklanki rybnaha bulonu, cukar pa smaku.

Padrychtavanaha i narezanaha parcyjonnymi kavałkami karpa palić słabym rastvoram vocatu. Piatrušku, sielderej, cybulu pravaryć ŭ vadzie abo bulonie z dadatkam piercu i łaŭrovaha lista. Rybu zalić pracedžanym bulonam i varyć da hatoŭnaści.

Dla sousu chren nacierci na tarcy, złučyć ź ciortymi kisłymi jabłykami, dadać cukar, vocat i rybny bulon.

Pierad padačaj palić sousam rybu abo padać sous asobna.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?