U Minsk pryjazdžaje śpiavačka Toni Brekstan 2

daylife.com

18 śniežnia ŭ Minsku vystupić adna z samych papularnych souł-vakalistak śvietu, amierykanskaja śpiavačka Toni Brekstan. Płanujecca, što na kancercie ŭ kompleksie «Minsk-Arena» jana vykanaje kampazicyi sa svajho novaha alboma Pulse.

Pavodle infarmacyi arhanizataraŭ kancerta, nad apošnim albomam Toni Brekstan pracavała apošnija šeść hadoŭ. Pulse — siomy studyjny albom śpiavački — byŭ vypuščany ŭ mai 2010 hoda.

Toni Brekstan viadomaja jak rytm-end-bluz-, pop- i souł-śpiavačka, aŭtar piesień i aktrysa. Samyja viadomyja jaje chity — Un-Break My Heart, Breathe Again, You're Makin' Me High i inš. U samym pačatku karjery presa nazvała jaje druhoj Whitney Houston. U 1993 hodzie Toni Brekstan apynułasia ŭ liku pieramožcaŭ muzyčnaj premii «Hremi-93», atrymaŭšy dźvie ŭznaharody — jak lepšaja novaja artystka i lepšaja souł-śpiavačka. Brekstan maje šeść premij «Hremi».

12 śniežnia Toni Brekstan vystupić u Nacyjanalnym pałacy «Ukraina» (Kijeŭ), a 14 śniežnia daść kancert u Kramloŭskim pałacy (Maskva).

Košt kvitkoŭ na kancert u Minsku składzie ad 160 da 370 tys. rubloŭ (parter), ad 100 da 320 tys. rubloŭ (siektary).

Taćciana Daraščonak, BiełaPAN

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH