Akcior, śpiavak i režysior Vachtanh Kikabidze zaprošany hanarovym hościem na najbujniejšy biełaruski kinafiestyval «Listapad», što adčyniajecca ŭ biełaruskaj stalicy.

Kikabidze staŭ piersona non hrata dla Rasii, paśla taho jak rezka skrytykavaŭ uvod rasijskich vojskaŭ u Paŭdniovuju Asieciju i Abchaziju ŭ 2008 hodzie. Paśla Žnivieńskaj vajny Vachtanh Kikabidze admoviŭsia pryniać z ruk rasijskaha prezidenta Dźmitryja Miadviedzieva rasijski Orden Siabroŭstva.

Kikabidze adkazaŭ na tuju vajnu poŭnaj horyčy pieśniaj-zvarotam da rasiejskich siabroŭ «Vy mnie nie zdradzili — rasčaravali».

U klipie da jaje vykarystoŭvajucca kadry z chroniki kanfliktu: rasijskija samaloty bambiać Hruziju i Asieciju. U čarhavańni ź imi jduć kadry kulturnaj chroniki SSSR, dzie Michaił Dudzin, Beła Achmadulina, Andrej Vaźniasienski čytajuć svaje vieršy pra Hruziju. Svojeasablivym epihrafam klipa słužyć aŭtohraf Jaŭhiena Jeŭtušenki «Pro Hruziju zabyv nieostorožno, poetom byť v Rośsii nievozmožno».

Śpiavak dahetul nie vystupaje na terytoryi Rasii.

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?