Padčas pasiedžańnia kamisii CVK, na jakim vynosiłasia papiaredžańnie inicyjatyŭnaj hrupie Uładzimira Niaklajeva, kiraŭnik jaho štabu, Andrej Dźmitryjeŭ, prapanavaŭ pravodzić teledebaty nie ŭ zapisie, a ŭ žyvym efiry.

Na heta Ł.Jarmošyna adkazała, što «Biełteleradyjokampanija bolš upeŭniena siabie adčuvaje, kali debaty pakazvajuć u zapisie». Pa słovach A.Dźmitryjeva, taki stan rečaŭ nie zadavalniaje štab Niaklajeva. «My pakidajem za saboj prava nie ŭdzielničać u takich teledebatach», — paviedamiŭ u razmovie z karespandentam «NN» A.Dźmitryjeŭ.

Teledebaty adbuducca na Pieršym nacyjanalnym kanale z 19-j da 21-j hadziny. Radyjodebaty — z 6-j da 7-j ranicy.

U demakratyčnych krainach debaty adbyvajucca ŭžyvuju i dazvalajuć vybarcam supastavić prahramy i zdolnaści kandydataŭ.

Pakolki ŭ Biełarusi niama niezaležnaha telebačańnia, isnujuć tolki łukašenkaŭskija kanały, praviadzieńnie debataŭ u zapisie daje spakusu dla cenzury i techničnaha skažeńnia pramoŭlenaha apazicyjnymi kandydatami.

Varta nahadać, što

za dziesiać apošnich hadoŭ łukašenkaŭskija telekanały ni razu nie infarmavali niejtralna pra dziejnaść apazicyi i ni razu nie davali słova jaje lideram.

Adsutnaść teledebataŭ užyvuju pazbaŭlaje vybary važnaha elemienta kankurencyi, bieź jakoha jany nie mohuć być vybarami. Uviadzieńnie žyvych debataŭ stała b važnym testam na demakratyčnaść.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?