Adpaviedny ŭkaz №531 padpisaŭ 13 kastryčnika Alaksandr Łukašenka, paviedamiła pres-słužba prezidenta.
Schod sklikajecca ŭ metach realizacyi kanstytucyjnaha prava hramadzian udzielničać u abmierkavańni pytańniaŭ dziaržaŭnaha i hramadskaha žyćcia.
Na abmierkavańnie čaćviortaha Usiebiełaruskaha narodnaha schodu vynosiacca pytańni ab vynikach realizacyi Prahramy sacyjalna-ekanamičnaha raźvićcia na 2006—2010 hady i ab asnoŭnych pałažeńniach Prahramy sacyjalna-ekanamičnaha raźvićcia na 2011—2015 hady.
Ukazam vyznačana kolkaść udzielnikaŭ schodu ŭ 2,5 tys. čałaviek, najvažniejšyja arhanizacyjnyja mierapryjemstvy pa padrychtoŭcy i praviadzieńni schodu.
Nahadajem, zhodna z rasparadžeńniem kiraŭnika dziaržavy arhkamitet čaćviortaha Usiebiełaruskaha narodnaha schodu ŭznačalvajuć
premjer-ministr Siarhiej Sidorski i kiraŭnik Administracyi prezidenta Uładzimir Makiej.
Raspracoŭkaj prajekta Prahramy sacyjalna-ekanamičnaha raźvićcia Biełarusi na 2011—2015 hady zajmajecca mižviedamasnaja rabočaja hrupa. Jaje sustaršyniami pryznačany namieśnik kiraŭnika Administracyi prezidenta Leanid Anfimaŭ i vice-premjer Andrej Kabiakoŭ.
Pieršy Usiebiełaruski narodny schod prajšoŭ 19—20 kastryčnika 1996 hoda, za miesiac da kanstytucyjnaha refierendumu, jaki pašyryŭ paŭnamoctvy Łukašenki. Druhi — 18 maja 2001 hoda, za čatyry miesiacy da prezidenckich vybaraŭ, treci — 2—3 sakavika 2006 hoda, za dva tydni da vybaraŭ kiraŭnika dziaržavy.
Ciapierašnija vybary prezidenta pryznačany na 19 śniežnia.
