pra heta paviedamiŭ na
Pavodle jaho słoŭ, da kanca hetaha hoda pavinna być padrychtavana abhruntavańnie inviestycyj u budaŭnictva hetaha ŭčastka. Praciahłaść treciaj linii składzie 8,4 km, u jaje ŭvojduć siem stancyj i elektradepo.
Treciaja linija złučyć mikrarajony «Zialony Łuh» i «Kurasoŭščyna».
Budaŭnictva elektradepo płanujecca ŭ rajonie vulicy Karžanieŭskaha kala MKAD. Raniej mierkavałasia, što pieršaj stancyjaj budzie Karžanieŭskaja, ale
Na dumku śpiecyjalista, pabudavać pieršy ŭčastak treciaj linii «budzie davoli składana», bo stancyi płanujecca budavać hłyboka — linija projdzie pad Łošyckaj vodnaj sistemaj, transpartnymi raźviazkami, ščylnaj žyllovaj zabudovaj i čyhunačnymi puciami.
Košt budaŭnictva mietro składaje ŭ siarednim kala 45 młn. dołaraŭ za adzin kiłamietr, chutkaść budaŭnictva — prykładna 1,25 kiłamietra ŭ hod, skazaŭ dyrektar «Minskmietraprajekta».
Jak paviedamiŭ načalnik UP «Dyrekcyja pa budaŭnictvie mietrapalitena» Pavieł Carun, u 2011 hodzie płanujecca zakupić sučasny prachodčy kompleks. «Budaŭnictva treciaj linii biez hetaha kompleksu niemahčymaje. Chutkaść budaŭnictva z vykarystańniem hetaha miechanizavanaha kompleksu pavialičycca ŭ 4–5 razoŭ, pavialičycca i dakładnaść budaŭnictva», — skazaŭ Carun.
Jon taksama nahadaŭ, što ŭvod u stroj troch stancyj mietro, što budujucca ŭ praciah pieršaj linii,
zapłanavany na druhoje paŭhodździe 2012 hoda, a budaŭnictva čaćviortaj stancyi — «Malinaŭka» — na kaniec 2013 hoda.
U pierśpiektyvie, da 2035 hoda, namiečana budaŭnictva čaćviortaj linii mietro — jana złučyć papiarednija try i daść mahčymaść pasažyram karystacca mietro tolki z adnoj pierasadkaj.
Transpartnaja schiema Minskaha mietrapalitena praduhledžvaje praciahłaść usich čatyroch linij mietro na 70 kiłamietraŭ z 56 stancyjami. Adnak, jak adznačyŭ Carun, u schiemu mohuć unosicca źmianieńni ŭ zaležnaści ad patreb horada i budaŭnictva novych mikrarajonaŭ.
