Kaciaryna Nikandrava,23-hadovaja Mis Hrudzi Biełarusi — 2010, padtrymlivaje apazicyju. «Čas mianiać prezidenta», — kaža Nikandrava, padkreślivajučy, što Alaksandr Łukašenka nie padabajecca joj ni jak palityk, ni jak mužčyna.
Biełaruskija znakamitaści zaŭsiody byli adzinadušnyja. Usie biełaruskija zorki — muzyki, aktory i televiadučyja — udzielničajuć u luboj vybarčaj kampanii, hałasujučy za Łukašenku i vykazvajučy ŭ intervju svajo zachapleńnie biełaruskim lideram. Ad taho niečakanaja padtrymka apazicyi Mis hrudzi Biełarusi adrazu vyklikała siensacyju.
— Nu tak, ja pavodžu siabie nie jak znakamitaści, — śmiajecca Kaciaryna. Jana padtrymlivaje Uładzimira Niaklajeva, viadomaha biełaruskaha paeta i lidara kampanii, «Havary praŭdu!».
— Heta mocny čałaviek i sapraŭdny lidar i ŭ toj ža čas pryjazny i ščyry čałaviek. Jon zdolny pavieści Biełaruś napierad, — kaža Kaciaryna.
Mis Hrudzi razam z udzielnikami vybarčaha štaba Niaklajeva źbirała ŭ aŭtorak podpisy ŭ padtrymku jaho kandydatury, nieabchodnyja dla rehistracyi kandydata na pasadu prezidenta na śniežańskich vybarach.
— Nie baiciesia pomsty?
— Viadoma, bajusia. Bajusia, što heta budzie ŭdar pa majoj škole abo majoj pracy. Dumaju, što ciapier u Biełarusi ŭsie bajacca, ale chaču havaryć pra heta, zamiest taho kab maŭčać i bajacca, — kaža Nikandrava.
