pressball.by

pressball.by

Moładzievaja zbornaja Biełarusi pa futbole zavajavała pucioŭku na čempijanat Jeŭropy. U aŭtorak u Barysavie hadavancy Hieorhija Kandraćjeva razhramili Italiju ź likam 3:0.

Nahadajem, što ŭ pieršym matčy ŭ Italii biełarusy prajhrali 0:2 i niašmat chto vieryŭ, što našyja vyjduć pieramožcami dvuboju. Treba ž było pieramahać z roźnicaj u try miačy.

A jany ŭziali — i pieramahli.

Užo na 4 i 5-j chvilinie Uładzimir Jurčanka («Dniapro» Mahiloŭ) zabiŭ dva hały, zrabiŭšy pa vynikach dvuch hulniaŭ ničyju. Asnoŭny lik tak i skončyŭsia 2:0. Byŭ pryznačany oviertajm, u pačatku jakoha minski dynamaviec Aleh Vieraciła (96-ja chvilina) zabiŭ pieramožny dla nas hoł.

Biełarusy na čempijanacie Jeŭropy, pryčym treci raz za siem hadoŭ (2004, 2009, 2011)

Naša zbornaja vystupała siońnia ŭ nastupnym składzie: Hutar, Drahun, Palitevič, Sivakoŭ (kapitan), Skavyš, Jurčanka, Niachajčyk, Rekiš, Hardziajčuk, Vieraciła, Filipienka.

Paśla matča hałoŭny trenier Hieorhij Kandraćjeŭ skazaŭ:

«Jak i ŭsich, mianie pierapaŭniaje pačućcio honaru. Za chłopcaŭ, za krainu, za kamandu. My siońnia ździejśnili spartyŭny podźvih. Mała chto ŭ heta vieryŭ, ale ŭ mianie było pradčuvańnie. Skažu ščyra,

pakłaŭ plašku šampanskaha ŭ sumku.

Zaraz hulniu analizavać nie mahu — emocyi zaminajuć. U chłopcaŭ vočy hareli i ŭ Italii, ale tam krychu nie pašancavała. Pahladzicie, pa statystycy my pierasiahnuli italjancaŭ. Paśla toj parazy adbyłasia razmova, i ja nie sumniavaŭsia,

što dzieci buduć pamirać na poli. I jany pamirali za pieramohu.

Mabyć, za heta nas futbolny boh uznaharodziŭ.

Dziakuj zaŭziataram i ŭsim ludziam, jakija rychtavali chłopcaŭ. U tym liku dziciačym trenieram»,

— cytuje słovy Kandraćjeva Goals.by.

Pucioŭki na kantynientalnaje pieršynstvo, aproč Biełarusi, taksama ŭ płej-ofučora-siońnia zavajavali zbornyja Isłandyi, jakaja abyhrała Šatłandyju, jakaja hulała ŭ našaj adboračnaj hrupie, Šviejcaryi, Ispanii, Anhlii, Čechii, Ukrainy

Zbornaja Danii voźmie ŭdzieł u čempijanacie jak haspadynia spabornictvaŭ.

Čempijanat Jeŭropy siarod moładzievych kamandaŭ projdzie z 12 pa 25 červienia 2011 hoda ŭ Danii: u haradach Orchus, Olbarh, Vibarh, Chierninh.

Jak havaryłasia vyšej, udzieł u im voźmuć vosiem kamandaŭ, raźbityja na 2 hrupy.

Losavańnie hrupaŭ projdzie ŭ Olbarhu 9 listapada.

U 2009 h. na čempijanacie Jeŭropy ŭ Šviecyi zbornaja Biełarusi (hałoŭny trenier — s. p. Jury Kurnienin) zaniała ŭ hrupie apošniaje miesca, zhulaŭšy adzin matč uničyju i prajhraŭšy ŭ dźviuch hulniach (u tym liku Italii — 1:2). Na čempijanacie ŭ 2004 h. zbornaja, jakoj kiravaŭ Jury Puntus, nie zmahła vyjści z hrupy, zaniaŭšy 3-je miesca.

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?