Aktyvisty hramadzianskaj kampanii «Havary praŭdu» pastavili ŭ centry Minska, kala HUMa namiot, kab źbirać tam podpisy pa vyłučeńni ŭ kandydady ŭ prezidenty lidara kampanii Uładzimira Niaklajeva. Sam sp. Niaklajeŭ kaža, što namiot maje stajać kruhłyja sutki, a ŭ im budzie znachodzicca niekalki čałaviek. Kala namiota adrazu paśla jaho źjaŭleńnia było šmat cicharoŭ.

Ludzi ŭ formie byli i z boku Niaklajeva -- za hadzinu da niamiota la pikietaŭ źjavilisia adstaŭnyja vajskoŭcy, jakija pryjšli padtrymać kandydata i vykazać svajo staŭleńnie da sučasnaj biełaruskaj armii. Na ich dumku, jana stvoranaja dla paradaŭ, a nie dla realnaj abarony Ajčyny. Siarod adstaŭnikoŭ byli Alaksandr Kamaroŭski, Alaksandr Łahada i inšyja.

Za chvilinu da taho, jak paŭstaŭ namiot, la HUMa prachodziŭ ministr unutranych spravaŭ Kulašoŭ.

Za chvilinu da taho, jak paŭstaŭ namiot, la HUMa prachodziŭ ministr unutranych spravaŭ Kulašoŭ.

Za hadzinu da niamiota la pikietaŭ źjavilisia adstaŭnyja vajskoŭcy, jakija pryjšli padtrymać Niaklajeva.

Za hadzinu da niamiota la pikietaŭ źjavilisia adstaŭnyja vajskoŭcy, jakija pryjšli padtrymać Niaklajeva.

Uładzimir Niaklajeŭ kaža: nidzie nie zafiksavana, što hetaha nielha rabić — źbirać podpisy z ranicy, udzień, uviečary, unačy. «Tamu my vyrašyli pastavić namiot. A što nie zabaroniena, toje dazvolena», — skazaŭ patencyjny kandydat u prezidenty i dadaŭ,

što kali inšyja kandydaty vyrašać dałučycca, to jaho kampanija hatova dapamahčy namiotami.

Vypadkova, albo nie, ale za niekalki chvilin da pačatku akcyi la pikietaŭ «Havary praŭdu!» źjaviŭsia ministr unutranych spraŭ Biełarusi Anatol Kulašoŭ. Što praŭda, chutka źnik.

Nahadajem, što siońnia Haspadarčy sud Minska (HSM) zadavoliŭ pazoŭ Minharvykankama ab pazbaŭleńni dziaržaŭnaj rehistracyi daśledča-aśvietnaj ustanovy «Ruch napierad», dyrektaram jakoj źjaŭlajecca pretendent na pasadu prezidenta Biełarusi Uładzimir Niaklajeŭ. Patencyjny kandydat tak prakamientavaŭ «NN» hetuju padzieju: «Ja pakul nie biespracoŭny. Pracedura likvidacyi našaj ustanovy budzie doŭha praciahvacca. A ŭvohule nas zaraz bolš cikavić pasiedžańnie CVK 14 kastryčnika, na jakim budzie razhledžana tak zvanaja sprava z našymi ŭlotkami. Ale heta absurd. Ja, kaniečnie paet, — ale nie zusim nieadekvatny, kab nie razumieć usich tonkaściaŭ. My svaich aktyvistaŭ kansultavali, što možna rabić, a što nie. Kali možna pačynać ahitacyju, a kali tolki vieści aznajamleńnie».

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?