Niezaležny spadarožnikavy telekanał «Biełsat» z 12 kastryčnika paznajomić hledačoŭ z usimi pretendentami na pasadu prezidenta.

Pavodle pres-sakratara «Biełsatu» Siarhieja Pielasy, pra kožnaha z patencyjnych kandydataŭ telekanał źniaŭ videarolik. Kožny atrymaje biaspłatny efirny čas jašče na stadyi zboru podpisaŭ.

Roliki praciahłaściu 2–3 chv. raspaviaduć pra bijahrafii, asabistaje žyćcio i tezisy prahramaŭ pretendentaŭ na pasadu kiraŭnika dziaržavy. Klipy źniatyja nie ŭ suchim aficyjoznym styli, a žyva, cikava i abjektyŭna.

Roliki buduć pakazvacca ŭ troch roznych błokach pa piać klipaŭ z 12 da 26 kastryčnika. Błoki buduć demanstravacca ŭ najlepšy efirny čas – paśla infarmacyjnaj prahramy «Abjektyŭ» a 17.05 i 21.25

uviečary i ranicaju paśla paŭtoru hałoŭnaha vydańnia «Abjektyvu» kala 7.25. Čarhovaść pakazu rolikaŭ u ramkach błoku budzie ratacyjnaju.

Siarhiej Pielasa kaža, što takim čynam usie kandydaty atrymajuć roŭnyja mahčymaści. Kožnaja asoba budzie reprezientavanaja 8 razoŭ.

U pieršy i dva apošnija dni efiru błoki buduć prezientavacca tolki ŭ viečarovy čas.

Adnačasova roliki buduć raźmieščanyja i ŭ internecie na sajcie telekanału belsat.eu dla tych, chto nie maje mahčymaści hladzieć «Biełsat» praz spadarožnik.

Roliki tych pretendentaŭ, što admoviacca ad prezidenckaj honki, buduć zdymacca z efiru «Biełsatu».

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?