U Biarozaŭskim rajonie zatrymany kiroŭca, jaki źbiŭ vaśmihadovaha chłopčyka i ŭciok ź miesca zdareńnia.

Jak paviedamiła inśpiektar adździaleńnia pa ahitacyi i prapahandzie DAI UUS Bresckaha abłvykankama Natalla Kaśjanik, 8 kastryčnika kala vaśmi hadzin viečara na vulicy Lenina Biełaaziorska vadziciel na aŭtamabili «VAZ-21011» źbiŭ vaśmihadovaha chłopčyka, jaki pierachodziŭ prajeznuju častku pa nierehulavanym piešachodnym pierachodzie.

Dzicia, jakoje žyvie ŭ Biełaaziorsku, ź pierałomam kaściej taza špitalizavany ŭ balncu.

Kiroŭca ź miesca DTZ uciok.

Praz hadzinu supracoŭniki milicyi zatrymali jaho pa miescy žycharstva ŭ vioscy Piaski.

Heta 21-hadovy rabočy adnaho z pradpryjemstvaŭ Biełaaziorska.

U jaho niama pravoŭ na kiravańnie transpartnymi srodkami.

Jak patłumačyŭ małady čałaviek, aŭtamabil «VAZ-21011» naležyć jamu, adnak rehistracyjnyja dakumienty aformleny na inšaha čałavieka.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?