apošniuju dekadu vieraśnia na žyllovym aŭkcyjonie ŭ Minsku patencyjnym pakupnikam prapanavalisia 24 kvatery, u jakich košt kvadratnaha mietra byŭ krychu bolš za tysiaču dołaraŭ.

Adnak popyt na prapanavanaje žyllo byŭ minimalny,

tamu na aŭkcyjonie była pradadzienaja tolki adna dvuchpakajovaja kvatera (košt kvadratnaha mietra skłaŭ 1035 dołaraŭ).
Naš ekśpiert — staršynia savieta Biełaruskaj asacyjacyi «Nieruchomaść» Mikałaj Prastałupaŭ pasprabavaŭ sprahnazavać dalejšaje raźvićcio padziej na druhasnym rynku žyllovaj nieruchomaści stalicy.

Pakupniki čakajuć dalejšaha patańnieńnia

Siońnia na druhasnym rynku žylla nazirajecca amal samy słaby popyt na standartnyja kvatery za apošnija 2–3 hady. Darahoje žyllo ŭvohule nie pradajecca. Što datyčycca minułaha aŭkcyjonu… Dom pa vulicy Jasienina źjaŭlajecca manalitna-karkasnym, a kvatery ŭ im abstalavanyja ličylnikami ciapła, što dazvalaje rehulavać jaho pastupleńnie ŭ kožny pakoj. Pobač z domam jość rynak, a krychu dalej — bujny handlovy centr. Heta plusy, adnak… Sam žyły dom znachodzicca kala kalcavoj darohi, dzie pobač niama poŭnaha «kamplekta» sacyjalnaj infrastruktury.

Adnak hałoŭnaje, na dumku Mikałaja Prastałupava, u tym, što pakupnikam prapanavalisia tolki dvuchpakajovyja i trochpakajovyja kvatery, minimalny ceńnik na jakija składaŭ ad 63 da 75 tysiač i ad 87 da 88 tysiač dołaraŭ adpaviedna. Całkam raźličycca z zabudoŭščykam nieabchodna było na praciahu miesiaca. Prosta ŭ ludziej niama takich hrošaj, a kredyty pad nabyćcio žylla ŭ bankaŭ zastajucca davoli vialikimi.

Takija kvatery na aŭkcyjonach prapanujucca biez azdableńnia, a hrošy na kančatkovuju apracoŭku nieabchodna šukać niemałyja.

Isnuje jašče adzin faktar — čakańnie «chalavy». Kvatery vialikich płoščaŭ u zabudoŭščykaŭ ź ciaham času zvyčajna tańniejuć. A jašče vielmi kiemlivyja pakupniki spadziajucca, što košt takich kvater u zabudoŭščykaŭ zastaniecca niaźmiennym u ajčynnaj valucie, a voś paśla Novaha hoda hetaje žyllo ŭ zamiežnaj valucie moža i patańnieć. Ja by nie vyklučaŭ i taki scenaryj. Niešta padobnaje ŭžo było ŭ pačatku minułaha hoda.

Dolevaje budaŭnictva vyžyvaje za košt «čarhavikoŭ»

U bližejšyja 2–3 miesiacy istotnaha patańnieńnia žylla ŭ Minsku nie budzie, ličyć Mikałaj Prastałupaŭ. Źnižać košt budaŭnictva nie źbirajucca i niepasrednyja zabudoŭščyki kamiercyjnaha žylla, a taksama nie hatovyja iści na surjoznyja źnižki i pryvatnyja pradaŭcy kvater.

Asobnyja kamiercyjnyja struktury bolš-mienš paśpiachova praciahvajuć svaju dziejnaść tolki tamu, što kala 90 pracentaŭ ich klijentaŭ-dolščykaŭ źjaŭlajucca čarhavikami, jakija vykarystoŭvajuć ilhotnyja kredyty. Akramia taho, košt kvadratnaha mietra dla ich abmiežavany.

Prapanova zastajecca stabilna vysokaj

Siońnia na druhasnym rynku žyllovaj nieruchomaści ŭ katałohu ahienctvaŭ nieruchomaści isnuje kala 9 tysiač kvater, jakija vystaŭlenyja na prodaž. Na praciahu apošnich 6 miesiacaŭ kolkaść pradaŭcoŭ zastajecca niaźmiennaj. Haspadary darahich ci niestandartnych kvater pakidajuć rynak, bo spadziajucca dačakacca lepšych časoŭ. Źjaŭlajucca novyja pradaŭcy, jakim terminova spatrebilisia hrošy.

Mikałaj Prastałupaŭ prahnazuje, što prykmietnaje patańnieńnie kvater na druhasnym rynku mahčymaje ŭ pieršyja dva miesiacy novaha hoda, kali popytu na žyllo ŭžo tradycyjna amal nie isnuje. Adnak, niedzie ŭ krasaviku-mai rynak znoŭ pavinien «zavarušycca», tamu kvatery mohuć navat krychu padaražeć.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?