Pastanova Saŭmina ab pavyšeńni taryfnaj staŭki pieršaha razradu i ŭkaz Alaksandra Łukašenki ab ustanaŭleńni minimalnaha zarobku 400 tysiač rubloŭ nie pakinuli abyjakavymi pradstaŭnikoŭ MVF.

27 vieraśnia Alaksandar Łukašenka padpisaŭ ukaz, pavodle jakoha praduhledžana ustanavić na listapad-śniežań 2010 hoda minimalny zarobak pamieram 400 tysiač rubloŭ, pahadzinnuju minimalny zarobak pamieram 2360 rubloŭ. Takim čynam, minimalnaja zarabotnaja płata pavialičycca na 54,7 pracenta, a pahadzinnaja minimalnaja zarabotnaja płata — na 54,2 pracenta.

«My nie bačym ekanamičnych padstaŭ dla hetkaha značnaha rostu zarobku. Rost zarobkaŭ pavinien adpaviadać rostu pradukcyjnaści pracy… Mnie nie zrazumieła, čym tłumačycca takoje istotnaje pavyšeńnie», — zajaviła ŭ interviju Reuters pradstaŭnik MVF u Biełarusi Natalla Kaladzina.

Ciapierašniaje pavyšeńnie źjaŭlajecca samym značnym za apošnija hady i, jak raniej aceńvali ułady, zapatrabuje dadatkova kala 7 tryljonaŭ biełaruskich rubloŭ i pavieličeńnia deficytu biudžetu da 3,0% VUP.

«Padvyšeńnie zarobkaŭ pryviadzie da rostu unutranaha popytu i rostu popytu na impartnyja tavary i pasłuhi… Heta aznačaje pašyreńnie deficytu biudžetu i źmianieńnie struktury vydatkaŭ biudžetu… Uradu treba budzie hieneryravać dachody, kab finansavać dadatkovyja vydatki, a heta zapavolić źnižeńnie padatkovaj nahruzki», — skazała Kaladzina.

«U ramkach prahramy praduhledžvaŭsia peŭny rost zarobkaŭ i pensij. Adnak, takoje značnaje padvyšeńnie, biezumoŭna, nie adpaviadaje našym damoŭlenaściam», — padkreśliła jana.

U listapadzie ŭ Biełaruś pryjedzie čarhovaja misija MVF. Biełaruskija ŭłady sa studzienia 2009 hoda pa krasavik 2010 hoda realizujuć prahramu MVF stand-by pa stabilizacyi płaciožnaha balansu. U ramkach hetaj prahramy MVF vydaŭ Biełarusi kredyt na 3,5 miljardy dalaraŭ

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?