Pretendent na pasadu kiraŭnika dziaržavy Natalla Starykava źniałasia z vybaraŭ na karyść Alaksandra Łukašenki.

Pra heta paviedamiła staršynia Centrvybarkama Lidzija Jarmošyna 28 vieraśnia na pres-kanfierencyi ŭ Minsku.

Natalla Starykava — žycharka pasiołka Čonki Homielskaha rajona, pracuje pa časovym kantrakcie sanitarkaj u hrazielačebnicy adnajmiennaha sanatoryja.

U jaje vyšejšaja ekanamičnaja adukacyja. Kalehi Starykavaj uspryniali jaje rašeńnie ŭdzielničać u prezidenckaj kampanii jak rozyhryš.

23 vieraśnia Starykava padała dakumienty ŭ CVK na rehistracyju inicyjatyŭnaj hrupy ŭ składzie 30 čałaviek (dla rehistracyi patrebna jak minimum 100 čałaviek). Pavodle słoŭ žančyny, jana nie viedała ab takim abmiežavańni. Starykava vykazała sumnieńnie, što paśpieje zapisać u inicyjatyŭnuju hrupu jašče 70 čałaviek.

24 vieraśnia jana paviedamiła žurnalistam, što admaŭlajecca ad udziełu ŭ vybarach.

«Zajavu Starykavaj ja znajšła ŭ svajoj pošcie ŭžo paśla pryniataha 27 vieraśnia Centrvybarkamam rašeńnia ab admovie ŭ rehistracyi jaje inicyjatyŭnaj hrupy. Kali b zajava pastupiła raniej, my prosta nie razhladali b hetaje pytańnie», — skazała Jarmošyna.

Pavodle słoŭ staršyni Centrvybarkama, ŭ liście Starykava napisała, što addaje svoj hołas i hałasy členaŭ inicyjatyŭnaj hrupy na karyść Alaksandra Łukašenki.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?