Kala 90 pracoŭnych dzion sychodzić na atrymańnie ziamielnaha ŭčastka ŭ «adnym aknie». Učastki jość u najaŭnaści ŭ bolšaści rehijonaŭ.

Hramadzianin, zacikaŭleny ŭ atrymańni ŭčastka, źviartajecca z zajavaj u adpaviedny sielski vykankam. Z zajavaj padajecca pašpart. Inšych dakumientaŭ nie patrabujecca.

Vykankam na praciahu 3 dzion (tut i dalej — pracoŭnych dzion) zapytvaje ŭ adpaviednych arhanizacyj dakumienty, jakich nie staje. Heta daviedka ŽESu pra zajmanaje žyłoje pamiaškańnie i skład siamji zajaŭnika i daviedka arhanizacyi pa dziaržrehistracyi nieruchomaj majomaści ab adsutnaści (najaŭnaści) pravoŭ na abjekty nieruchomaj majomaści. Dakumienty padajucca ŭ vykankam za 5 dzion.

Kali rašeńnie stanoŭčaje, vykankam daje dazvoł arhanizacyi pa ziemleŭładkavańni na raspracoŭku prajektu advodu ziamielnaha ŭčastka. Dazvoł i dakumienty nakiroŭvajucca ŭ arhanizacyju pa ziemleŭładkavańni. Taja za 3 dni zaklučaje z hramadzianinam damovu padradu na raspracoŭku prajektu.

U joj praduhledžvajucca i pracy pa ŭstalavańni miežaŭ učastka na miascovaści, i pasłuhi pa rehistracyi ŭčastka i pravoŭ na jaho. Na raspracoŭku prajektu advodu dajecca 15 dzion z dnia, kali hramadzianin apłačvaje pracy. Za hety čas arhanizacyja pa ziemleŭładkavańni abaviazanaja ŭzhadnić prajekt z kiraŭnikami terytaryjalnych orhanaŭ architektury, Minpryrody, MNS, Dziaržsannahladu.

Adnačasova arhanizacyja rychtuje prajekt rašeńnia sielskaha vykankama ab pradstaŭleńni ziamielnaha ŭčastka, jaki ŭzhodnieny z prajektam advodu ziamielnaha ŭčastka, i pieradaje ŭsie dakumienty ŭ ziemleŭparadkavalnuju słužbu vykankama.

Tam prajekt u 5 dzion razhladajecca i padajecca ŭ vykankam dla pryniaćcia rašeńnia. Rašeńnie vykankam prymaje za 5 dzion.

Atrymańnie ŭčastka składajecca z dvuch etapaŭ: padrychtoŭka prajektu i padrychtoŭka ziemleŭparadkavalnaj spravy pa ŭstalavańni miežaŭ učastka na miascovaści. Pieršy etap skančajecca, kali vykankam prymaje rašeńnie dać učastak.

Paśla hetaha vykankam na praciahu 3 dzion pieradaje svajo rašeńnie z prajektam advodu ŭčastka znoŭ arhanizacyi pa ziemleŭładkavańni — dla ŭstalavańnia miežaŭ učastka na miascovaści i jaho dziaržrehistracyi.

Taja na praciahu 2 dzion paśla padrychtoŭki ziemleŭparadkavalnaj spravy pieradaje zajavu ab dziaržrehistracyi stvareńnia ziamielnaha ŭčastka i ŭźniknieńni pravoŭ na jaho ŭ arhanizacyju pa dziaržrehistracyi. Nie bolš za 10 dzion zajmajuć dziaržrehistracyja stvareńnia ŭčastka i pieradača ziemleŭparadkavalnaj spravy i paśviedčańnia ab dziaržrehistracyi ŭčastka adpaviednaj ziemleŭparadka¬valnaj słužbie. Dalej dakumienty pieradajucca ŭłaśniku ŭčastka.

Heta značyć, hramadzianin pieršy raz źviartajecca ŭ miascovy vykankam, kab padać zajavu, i druhi — kab atrymać hatovyja dakumienty na ŭčastak.

Z momantu padačy zajavy da momantu vydačy hatovych dakumientaŭ prachodzić 82 dni.

Za padrychtoŭku ziemleŭparadkavalnaj spravy hramadzianin płacić 3 bazavyja vieličyni i 1 bazavuju vieličyniu — za rehistracyju. Razam atrymlivajecca suma, ekvivalentnaja prykładna 30 EUR. Pryčym jon adrazu apłačvaje ŭsie pasłuhi, a potym vykonvajucca pracy.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?