Šmat strachaŭ, zababonaŭ, hramadskich styhmaŭ ciahniecca za hetaj chvarobaj. My pasprabujem ułahodzić hramadskuju ŭstryvožanaść. Usio pra virus, jaki jak učepić, dyk nie adčepicca.
Virus hierpiesu, virusnaje zachvorvańnie z ułaścivym sypam bułdyrkoŭ, paškodžvaje pieravažna ślizistuju rota i połavyja orhany. Hierpiesu papiaredničajuć mlavaść, dryžyki, apaleńnie skury, śvierb. Zaražeńnie adbyvajecca ŭ vyniku kantaktu ślizistaj ź virusam, kali naša ślizistaja dakranajecca da zaražanaha čałavieka. Virus nie pranikaje praz zdarovuju niepaškodžanuju skuru, ale hetaha nielha skazać pra chvoruju abo padrapanuju skuru.
1. Padčas zaražeńnia virus pamnožycca la ŭvachodu, adtul praź niervy trapić u chrybcinu i zastaniecca tam u "pryspanym stanie" na niapeŭny čas, na miesiacy ci navat hady. 95% vypadkaŭ zaražeńnia praź ślizistuju rota i 70 % praz połavyja orhany adbyvajecca niezaŭvažna, biez usiakich śladoŭ. Inšymi słovami, vy možacie nie ŭviedać, što zarazilisia, i kali chvaroba prajavicca, nie śpiašajciesia vinavacić vašaha ciapierašniaha partniora.
2. Nie panikujcie zaŭčasna. Stan chvoraha ničym nie roźnicca ad jaho stanu hod ci dva tamu, kali jon tolki zaraziŭsia. Da žalu, virus zastaniecca ŭ vas nazaŭsiody, adnak jon zastaniecca tym ža virusam, chiba što ciapier vy budziecie pra jaho viedać. Schadzicie da lekara - vylekavać chvarobunielha, adnak suniać - tak.
3. Zaražeńnie hierpiesam adbyvajecca padčas naŭprostavaha kantaktu z nośbitam chvaroby. Pakolki virus vielmi adčuvalny da vonkavych ŭmovaŭ, amal niama precedentaŭ zaražeńnia ad pradmietaŭ, u tym liku praź bializnu, posud ci ŭnitaz. Virus nie lubić chłor, tamu vadu z basiejnaŭ taksama vyklučajem.
4. Adsotak zaražeńnia ŭ paraŭ, kali adzin z partnioraŭ chvory na hierpies, składaje 10% u mužčyn, i 17% u žančyn. U zachodnich krainach hierpies na druhim miescy pa połavych chvarobach – 30% siarod darosłaha nasielnictva. Važna zaznačyć, što siarod mužčyn – nośbitaŭ chvaroby, jakija pieražyli sapraŭdnaje abvastreńnie i viedajuć pra isnavańnie chvaroby, 20% nikoli nie viedali prykmietaŭ chvaroby. Bolšaść nośbitak (60%) adkryli ŭ siabie ranki, ale nie zrazumieli, što heta hierpies. Vysnova: kožny raz, kali vy vyjaŭlajecie padazronuju bolku (razdražnieńnie, bol, vydzialeńni, piakučku), varta pravierycca ŭ doktara.
5. Fakt taho, što vy chvory na hierpies, to bok nośbit chvaroby, nie abaronić vas ad dadatkovaha zaražeńnia. Tamu lehkadumnaść ubok i zaŭsiodnaja aściarožnaść!
