Umova padtrymki ES — prahres u pravach čałavieka i demakratyi, — miarkuje jeŭrakamisar.

Jeŭrakamisar pa pytańniach pašyreńnia i Jeŭrapiejskaj palitycy dobrasusiedstva Štefan Fiule pryjechaŭ u Biełaruś z «kankretnymi prapanovami, jak sumiesnymi namahańniami palapšać dvuchbakovyja adnosiny». Pra heta jon zajaviŭ ranicaj 9 lipienia na sustrečy z žurnalistami ŭ Minsku.

Sustreča prachodziła ŭ farmacie intervju jeŭrakamisara Pieršamu telekanału.

Pavodle słoŭ Štefana Fiule,

ŭzrovień udziełu Biełarusi ŭ palitycy «Uschodniaha partniorstva» zaležyć ad taho, jak kraina pavažaje toje, što źjaŭlajecca asnovaj hetaj palityki, — takija kaštoŭnaści, jak viaršenstva zakona, naležnaje kiravańnie, demakratyja i pravy čałavieka.

«Pry prahresie Biełarusi ŭ śfiery pravoŭ čałavieka i demakratyi ES budzie hatovy akazać bolš kankretnuju padtrymku», — skazaŭ jeŭrakamisar.

Pašyreńnie ŭzajemadziejańnia, adznačyŭ jon, dazvolić ES «adkryć Biełaruś abjadnanaj Jeŭropie»: sadziejničać umacavańniu viaršenstva zakona, madernizavać ekanomiku Biełarusi, hazavuju i naftavuju sistemu, tranzitnuju sistemu, a taksama dyviersifikavać rynak.

Štefan Fiule zaklikaŭ «vykarystać mahčymaść i ŭmacavać adnosiny Biełarusi i ES».

«Biełaruś — samaja vialikaja tajamnica Jeŭropy, — dadaŭ jon. — I sakret — nie ŭ tannym hazie ci nafcie z Rasii i nie ŭ prapanovach ES z samymi lepšymi namierami.

Sakret Biełarusi — u narodzie, vielmi adukavanym hramadstvie z šyrokim kruhahladam».
Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?