Pivavarnaja kampanija Carlsberg pavialičyła svaju dolu ŭ AAT «Alivaryja» (Minsk) z 30 da 47%. Pra heta paviedamiła dyrektar pa kamunikacyjach Carlsberg Group va Uschodniaj Jeŭropie Taćciana Antončyk.

Jana adznačyła, što «pakul

u kampanii niama płanaŭ pa pakupcy kantrolnaha pakieta akcyi (51%)».

Raniej abmiarkoŭvałasia mahčymaść pašyreńnia mahutnaściaŭ biełaruskaha pradpryjemstva i budaŭnictva novaj vytvorčaj płoščy.

«Kankretnych płanaŭ pa pašyreńni mahutnaściaŭ minskaj placoŭki ŭ nas niama. Dla kampanii ciapierašnija mahutnaści dastatkovyja»,
 — zaznačyła Antončyk.

Pavodle źviestak, apublikavanych na sajcie Biełaruskaj valutna-fondavaj biržy (www.bcse.by), 5 lipienia była zafiksavana ździełka pa nabyćci akcyj AAT «Piŭzavod «Alivaryja». Byli pradadzieny 9.551 akcyja pa canie 6.994,79 rasijskaha rubla za akcyju i 3.500 akcyj pa canie 913,34 dołara za akcyju. Naminalny košt akcyi składaŭ 376.590 biełaruskich rubloŭ, suma ździełki — 66.807.239 rasijskich rubloŭ i 3.196.690 dołaraŭ. Novy ŭłaśnik z ulikam raniej nabytych akcyj ciapier vałodaje 49.762 akcyjami.

Na piŭzavodzie «Alivaryja» pakul nie kamientujuć dadzienuju ździełku.

Daviedka. «Alivaryja» źjaŭlajecca najstarejšym u Biełarusi vytvorcam piva. U mai 2008 hoda AAT «Piŭzavod «Alivaryja» stała častkaj mižnarodnaha kancerna Carlsberg A/S, jaki vykupiŭ dolu Baltic Beverages Holding. Na dadzieny momant Carlsberg źjaŭlajecca stratehičnym inviestaram i adnym z hałoŭnych akcyjanieraŭ «Alivaryi».

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?