Zdareńnie adbyłosia prykładna a 17 hadzinie viečara ŭ rajonie pierasiačeńnie praśpiekta Mašerava z vulicaj Čyrvonaj. Lider «Maładoj Biełarusi» Artur Fińkievič razam z aktyvistam Alaksiejem Łykšynym zajšli ŭ dvor, dzie znachodzicca internet‑kaviarnia «Virus».

Artur kaža, što litaralna praź imhnieńnie na ich nakinulisia zzadu čaćviora mužčyn. «Minaki bačyli hetych ludziej, i pry nieabchodnaści zmohuć paznać», — kaža A.Fińkievič.

Pa słovach Artura, jamu ŭ vočy pyrskali niejkaj vadkaściu, jakaja ščyplecca. Kašula taksama ŭ niečym ružovym.

U moładzievaha lidera zabrali noŭtbuk, dyktafon, niekalki fłešak, mabilnik. Adabrali taksama pašpart z amierykanskaj vizaj. U niadzielu Fińkievič musiŭ lacieć u Štaty.

Chłopcaŭ dastavili ŭ 10‑uju balnicu, dzie im akazali pieršuju dapamohu.

U subotu projdzie źjezd «Maładoj Biełarusi». Artur nie vyklučaje, što incydent sa źbićciom moža być źviazana z praviadzieńniem źjezdu.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?