Stvoranaja ŭ Biełarusi palityčnaja i ekanamičnaja madel demanstruje zdolnaść adekvatna reahavać na lubyja vykliki. Pra heta zajaviŭ Alaksandr Łukašenka siońnia na pryjomie ŭ honar vypusknikoŭ vajennych navučalnych ustanoŭ Biełarusi i Rasii.

Pavodle słoŭ kiraŭnika dziaržavy, siońnia mižnarodnaja abstanoŭka zastajecca niaprostaj i supiarečlivaj. Usie my źjaŭlajemsia śviedkami imknieńnia da revizii pahadnieńniaŭ nakont paślavajennaha śvietaŭładkavańnia, kab dahadzić hieapalityčnym intaresam asobnych dziaržaŭ. Źnižajecca efiektyŭnaść miechanizmaŭ zabieśpiačeńnia mižnarodnaj biaśpieki. Praciahvajecca transfarmacyja vajskova-błokavych adnosin. Nie spyniajucca kanflikty, što paradžajucca palityčnymi hulniami pretendentaŭ na liderstva.

Alaksandr Łukašenka adznačyŭ, što biahučy hod uskładniajecca ekanamičnaj niestabilnaściu.

«Dziaržavy, jakija nie majuć ułasnych enierharesursaŭ, vymušany prykładać kałasalnyja namahańni dla zabieśpiačeńnia svajoj niezaležnaści. Sproby dyktatu i šantažu siońnia robiacca i adnosna našaj krainy», — skazaŭ biełaruski lider.

Razam z tym, padkreśliŭ jon, stvoranaja ŭ Biełarusi palityčnaja i ekanamičnaja madel u hetych umovach demanstruje zdolnaść adekvatna reahavać na lubyja vykliki. Niahledziačy ni na što, Biełaruś ćviorda prytrymlivajecca kursu dobrasusiedstva i vykanańnia pryncypaŭ mižnarodnaha prava ŭ adnosinach pamiž dziaržavami.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?