U Maskvie, vierahodna, pryniataje pryncypovaje rašeńnie pra źmienu kiroŭnaj viarchuški Biełarusi, piša hazieta.

Hetym kałažam «Moskovskij komsomolec» prakamientavaŭ artykuł «Minskaja raźnia telepiłoj»

Hetym kałažam «Moskovskij komsomolec» prakamientavaŭ artykuł «Minskaja raźnia telepiłoj»

Jak piša hazieta «Moskovskij komsomolec» u artykule «Minskaja raźnia telepiłoj», efiekt bomby zrabiŭ u Biełarusi film telekanała NTV pra Alaksandra Łukašenku. Tolki praź niekalki dzion źjaviłasia pieršaja reakcyja šakavanych biełaruskich uładaŭ.

Śpikier vierchniaj pałaty biełaruskaha «parłamienta» Anatol Rubinaŭ namiaknuŭ na mahčymaść zabarony viaščańnia rasijskaha TV na terytoryi Biełarusi. Na ŭsialaki vypadak pačali vieści začystku miascovaha siektaru interneta.

Vializny tekst Rubinava byŭ źmieščany ŭ praprezidenckaj haziecie «Sovietskaja Biełoruśsija», i jaho, vierahodna, možna ličyć pazicyjaj aficyjnaj. Alaksandra Ryhoraviča aŭtar nazvaŭ «talenavitym samarodkam z naroda». Rasijaia ž, na jaho dumku, nie moža źmirycca ź niezaležnaściu susiedziaŭ i choča ich padparadkavańnia, a voś Łukašenka karystajecca biezumoŭnaj padtrymkaj hramadzianaŭ. Bieź jaho Biełaruś abaviazkova zahraźnie ŭ mižusobicach, kryminale, karupcyi. Ułasnaść, ziamla buduć paskuplanyja rasijskimi aliharchami, kapitały vyviezienyja za miažu. I Pucina, i Miadźviedzieva, pa słovach śpikiera, pryviali da ŭłady «za ručku» ŭ jakaści pierajemnikaŭ papiaredniki. Łukašenka ž sumlenna vyjhraŭ vybary i pałochaje rasijskich lideraŭ svajoj papularnaściu.

Nahadajem, u minułyja vychodnyja pa Łukašenku ŭdaryła ciažkaja artyleryja z dvuch bujnych rasijskich kanałaŭ — «hazpromaŭski» NTV i biudžetny Russia Today pakazali razhromnyja siužety: «Chrosny Baćka» i «Nievynosny Łuka».

Kampramat padabrali pa ŭsich kirunkach: i vykradańni ludziej, i ździeki z apazicyi, i navat, u najlepšych savieckich tradycyjach, «amaralnyja pavodziny»: suviaź z paluboŭnicaj.
Praŭda, siensacyjnaja infarmacyja nie źjaŭlajecca navinoj dla šmat kaho ŭ Biełarusi i dla niekatorych u Rasii. Vašynhton i Brusel doŭhija hady patrabavali ad Łukašenki spynić parušeńni pravoŭ čałavieka i navat uvodzili suprać jaho sankcyi. Maskva zaciata padtrymlivała Łukašenku, jakoha ciapier hetak ža šalona vykryvaje.

Ciapier naziralniki dumajuć, što stała pryčynaj źjaŭleńnia zabojčych siužetaŭ. Tak, za apošni čas pamiž krainami było niamała biaźlitasnych kanfliktaŭ — i naftavaja vajna, i hazavaja, i pytańni Mytnaha sajuza. Praŭda, usie jany da kanca červienia tak ci inakš byli ŭłahodžanyja. Tamu šmat chto rascaniŭ hetyja siužety jak premjeru Rasii va ŭnutrybiełaruskich spravach.

Na luty 2011 u Biełarusi pryznačanyja prezidenckija vybary — i, vierahodna, u Maskvie pryniataje pryncypovaje rašeńnie ab źmienie kiroŭnaj viarchuški. Dahetul Łukašenka biez prablemaŭ abiraŭsia na novyja terminy (ciapier u jaho zakančvajecca treci). Ale padaražeńnie rasijskaha hazu, błakavańnie na rasijskich rynkach biełaruskich tavaraŭ, a taksama pieščańnie apazicyjnych kandydataŭ mohuć zrabić svaju spravu.

Elity Biełarusi atrymali vyrazny sihnał, što Maskva zojmie hetym razam aktyŭnuju pazicyju, a taksama što mienavita Rasija zabiaśpiečvaje pieradaču ŭłady ŭ Biełarusi.

Cikava, što ŭ sieradu było roŭna dziesiać hadoŭ z momantu źniknieńnia ŭ Minsku viadomaha žurnalista Dźmitryja Zavadskaha. Dvoje byłych aficeraŭ MUS pa hetaj spravie atrymali pažyćciovaje źniavoleńnie. Film NTV, choć i nie byŭ pakazany pa biełaruskim telebačańni, aktyŭna raspaŭsiudžvajecca praź internet. Videaroliki ŭ Minsku pahladzieli dziesiatki tysiačaŭ čałaviek. Apazicyjnyja sajty nazvali i pieršych achviaraŭ cenzury. Tak supała, što z 1 lipienia ŭ Biełarusi zapracavaŭ novy zakon ab internecie, jaki daje prava pravajderam adklučać niepažadanyja sajty.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?