Viadučyja biełaruskija VNU pavialičyli płatu za navučańnie. U pryvatnaści,

pieršakurśniki Biełaruskaha dziaržaŭnaha univiersiteta (BDU), Biełaruskaha dziaržaŭnaha miedycynskaha univiersiteta (BDMU), Biełaruskaha dziaržaŭnaha ekanamičnaha univiersiteta (BDEU), Biełaruskaha dziaržaŭnaha univiersiteta infarmatyki i radyjoelektroniki (BDUIR), Biełaruskaha dziaržaŭnaha piedahahičnaha univiersiteta im. M. Tanka (BDPU) zapłaciać u novym navučalnym hodzie bolš za letašnich pieršakurśnikaŭ.

Tak, pa infarmacyi aficyjnaha sajta BDMU, studentam pieršaha kursu śpiecyjalnaściaŭ "lačebnaja sprava" i "piedyjatryja" pryjdziecca zapłacić za hod 5 młn 340 tys. rubloŭ, budučym stamatołaham - 6 młn 540 tys. rubloŭ. U minułym hodzie košt navučańnia składaŭ 4 młn 980 tys. i 6 młn adpaviedna.

Apłata navučańnia ŭ BDEU, pa dadzienych sajta VNU, dla sioletnich pieršakurśnikaŭ składzie ad 3 młn 683 tys. 630 rubloŭ da 3 młn 690 tys. 30 rubloŭ u zaležnaści ad abranaj śpiecyjalnaści. Letaś rascenki na płatnyja pasłuhi vahalisia ad 3 młn 276 tys. 890 rubloŭ da 3 młn 379 tys. 380 rubloŭ u hod.

Pavysiŭ apłatu za navučańnie i BDUIR. Kali ŭ minułym hodzie apłata navučańnia dla pieršakurśnikaŭ składała ad 3 młn 200 tys. rubloŭ da 3 młn 800 tys. rubloŭ, to ŭ hetym hodzie rascenki składuć ad 3 młn 800 tys. da 4 młn 300 rubloŭ.

BDPU pakul nie apublikavaŭ novaha koštu navučańnia. Adnak, jak paviedamili ŭ pryjomnaj kamisii, jana moža dasiahnuć 3 młn rubloŭ, tady jak u minułym hodzie siaredni košt navučańnia składała 2 młn 887 tys. rubloŭ.

U BDU taksama padvysicca apłata za navučańnie. Jak paviedamili ŭ pres-słužbie VNU, pavyšeńnie koštu navučańnia źviazana z pavieličeńniem taryfnaj staŭki pieršaha razradu. Dakładnyja ličby pakul nieviadomyja, pakolki dakumienty znachodziacca na ŭzhadnieńni ŭ Minadukacyi. U minułym hodzie pieršakurśniki BDU płacili ad 3 młn 807 tys. 300 rubloŭ da 4 młn 879 tys. 200 rubloŭ u zaležnaści ad śpiecyjalnaści.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?