Polskija vajskovyja prakurory paprasili Departamient justycyi ZŠA ab pravavoj dapamozie ŭ spravie avijakatastrofy pad Smalenskam.
Zapyt byŭ nakiravany praz polskuju Hienieralnuju prakuraturu ŭ minułuju sieradu. «Zapyt maje ŭsioabdymny charaktar i raspaŭsiudžvajecca na mnohija pytańni», — dadaŭ pradstaŭnik prakuratury, adnak u intaresach śledstva pakul nie ahučyŭ jaho źmiestu.

«Mižnarodnaje prava patrabuje, kab atrymalnik daviedaŭsia źmiest zapytu z adpaviednaha lista, a nie praz srodki masavaj infarmacyi», — dadaŭ jon. U traŭni pa dapamohu da ZŠA ŭžo źviarnulisia ekśpierty rasijskaj kamisii pa rasśledavańni katastrofy. Ideja palahała ŭ tym, kab navihacyjnaje abstalavańnie samalotaŭ vyvučyŭ amierykanski zavod-vytvorca.

Internet-partałdziennik.pl paviedamiŭ, što ŭ zapycie «prakurory miž inšaha prosiać pravieryć, ci isnujuć navukovyja i techničnyja mahčymaści stvareńnia štučnaha tumanu». Pavodle infarmacyi partała, prakuratura choča «pravieryć teoryju zmovy siarod pryčynaŭ katastrofy Tu-154».

Polski bok užo dasłaŭ u rasijskuju prakuraturu piać zapytaŭ ab pravavoj dapamozie. Aproč inšaha zapyty źmiaščajuć prośby pra paŭtornaje zasłuchvańnie pakazańniaŭ śviedak, pieradaču dakumientaŭ i časovuju vydaču «čornych skrynak» jak nieabchodnych dokazaŭ u rasśledavańni spravy». U miežach hetych prapanovaŭ u druhoj pałovie červienia polskaja prakuratura atrymała ad Rasii 6 tamoŭ (kala 1300 staronak) zapisaŭ rasijskich śledčych. Siarod pradstaŭlenych dakumientaŭ jość pakazańni śviedak, dakumienty i fotamateryjały z ahledzinaŭ miesca katastrofy i identyfikacyi ciełaŭ achviar. Ciapier hetyja dakumienty pierakładajuć.

Hałoŭnaja vajskovaja prakuratura Polščy taksama paviedamiła, što płanuje nakiravać jašče adzin — šosty — zapyt ab pravavoj dapamozie da rasijskaha boku, adnak źmiest zapytu ahučany nie byŭ. Było skazana tolki, što jon budzie nakiravany paśla pierakładu dakumientaŭ, atrymanych u červieni. Akramia taho, było paviedamlena, što chadajnictva ab zasłuchvańni pakazańniaŭ adnaho hramadzianina Respubliki Biełaruś było dasłanaje biełaruskim uładam.

Akramia polskaj i rasijskaj prakuraturaŭ, abstaviny katastrofy prezidenckaha samalotu ŭ Rasii vyśviatlaje Mižnarodny avijacyjny kamitet, a ŭ Polščy — kamisija na čale z kiraŭnikom Ministerstva ŭnutranych spravaŭ.

U pačatku traŭnia Mižnarodny avijacyjny kamitet paviedamiŭ, što jaho pradstaŭnik i polski ekśpiert nakiravalisia ŭ Złučanyja Štaty, kab razam z amierykanskimi ekśpiertami vyvučyć sistemu papiaredžańnia sutyknieńnia ź ziamloj TAWS i sistemu spadarožnikavaj navihacyi GNSS z samalota Tu-154 M u amierykanskaj kampanii, jakaja ich vypuściła.

Praviedzienyja daśledavańni pakazali, što sistema TAWS była ŭ paradku.
Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?