Francuzski sud prysudziŭ byłoha dyktatara Panamy Manuela Narjehu da siami hadoŭ pazbaŭleńnia voli.

Sud pryznaŭ 76-hadovaha hienierała vinavatym u admyvańni ŭ francuzskich bankach hrošaj, atrymanych ad prodažu narkotykaŭ. Taksama sud vydaŭ pastanovu ab kanfiskacyi zamarožanych rachunkaŭ dyktatara. Usiaho francuzskija aktyvy Narjehi acanili ŭ 2,3 miljona jeŭra, paviedamlaje charter97 z spasyłkaj na Lenta.ru.

U 1999 hodzie francuski sud zavočna prysudziŭ Manuela Narjehu da dziesiaci hadoŭ pazbaŭleńnia voli, pryznaŭšy dyktatara vinavatym. Praces raspačaŭsia paŭtorna paśla taho, jak byłoha dyktatara Francyi vydali ZŠA. Padčas novych słuchańniaŭ abvinavačvańnie taksama nastojvała na dziesiacihadovym terminie. Adnak paśla zakančeńnia pasiadžeńnia abvinavačany zajaviŭ, što prysud u 7 hadoŭ jamu taksama padajecca «zanadta strohim».

Manuel Narjeha pryjšoŭ da ŭłady ŭ Panamie ŭ 1983 hodzie pry ŭdziele ZŠA. Praz šeść hadoŭ jon byŭ skinuty - taksama ŭ vyniku amierykanskaha ŭmiašalnictva. Dyktatara zachapili ŭ pałon i dastavili ŭ Amieryku, dzie sud pryznaŭ jaho vinavatym u narkahandli, rekiecie i admyvańni hrošaj.

U 1992 hodzie Narjeha byŭ prysudžany ŭ ZŠA da 30 hadoŭ turmy. U 2007 hodzie hienierała vyzvalili daterminova, bo jaho vydačy damahalisia Francyja i Panama.

U Panamie hienierał Narjeha byŭ taksama zavočna asudžany i prysudžany da 60 hadoŭ turmy pa abvinavačvańni ŭ karupcyi, zabojstvach palityčnych apanientaŭ i kradziažach. Francuzskija ŭłady zajavili, što hatovyja abmierkavać pytańnie ab vydačy Narjehi panamskim uładam, ale tolki paśla taho jak jon adkaža za svaje złačynstvy pierad francuzskim zakonam.

Клас
0
Панылы сорам
0
Ха-ха
0
Ого
0
Сумна
0
Абуральна
0