Pamiežniki na biełaruska-litoŭskaj miažy na paŭhadziny zatrymali ciahnik z-za aktyvistki «Maładoj Biełarusi» Nasty Maščavaj.

Nasta jechała na siesiju ŭ EHU. Pamiežniki spačatku zabrali jaje pašpart i pačali prahladać usie rečy. Jany cikavilisia, ci jość u dziaŭčyny noŭtbuk, fłeški i płastykavyja kartki bankaŭ.

Jany znajšli ŭ Nasty kartku ad taksafonu i prajazny na mietro. Paśla hetaha dziaŭčynie viarnuli pašpart, ale praź niekalki chvilinaŭ znoŭ zabrali i syšli.

Dakumienty i rečy inšych pasažyraŭ na toj čas byli pravieranyja.

Narešcie pamiežniki prynieśli dziaŭčynie pašpart i syšli.

Dniami ŭ kvateru Nasty Maščavaj sprabavali ŭvarvacca ludzi ŭ cyvilnym. Jany čakali Nastu i lidera arhanizacyi Artura Fińkieviča kala padjezdu doma.

Artur Fińkievič tłumačyć hetyja incydenty tym, što 10 lipienia maje adbycca źjezd ruchu «Maładaja Biełaruś».

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?