Ukrainski telekanał «1 +1» zapuścić realici-šou «Biez mandatu», u ramkach jakoha viadomyja palityki buduć pa niekalki dzion žyć u zvyčajnych siemjach, nie karystajučysia pryvilejami.

Pa słovach hiendyrektara kanału «1 +1» Alaksandra Tkačenka, «heta budzie realnaja palityka ŭ realnym žyćci, biez łozunhaŭ i prakłamacyj». Pa ŭmovach šou,

palityk i siamja, u jakoj jon žyvie, nie pavinny być znajomyja adzin z adnym. U spravazdačnyja dva z pałovaj dnia palityčnamu dziejaču budzie zabaroniena karystacca lubymi słužbovymi paśviedčańniami i ŭłasnymi hrašovymi srodkami. Na treci dzień jon atrymlivaje ŭsio svajo majomaść i pryvilei nazad.

Na dumku pradziusiera kanała Aksany Kučarenka, viartańnie paŭnamoctvaŭ i pryvilejaŭ daść palityku mahčymaść z chodu vyrašyć prablemy, jakija jon adčuŭ na sabie padčas žyćcia siarod prostych ukraincaŭ. «U palityka źjavicca mahčymaść prademanstravać, što jon moža zrabić», — skazała Kučarenka.

Telekanał ŭžo damoviŭsia sa śpikieram Viarchoŭnaj Rady Uładzimiram Litvinym pra toje, što 9 lipienia ŭsim parłamientaryjam buduć razdadzienyja zaprašeńni na šou. Pa słovach Tkačenka, troje palitykaŭ užo pahadzilisia pryniać udzieł u prajekcie.

Arhanizatary čakajuć adkazaŭ ad Julii Cimašenki i Arsienija Jacaniuka,
kateharyčna admovilisia zdymacca Natalla Vietrenka i Taras Čarnavił. Pa słovach pradstaŭnikoŭ telekanała, pryniać u siabie ŭ haściach palityčnych dziejačaŭ hatovyja dastatkova šmat siemjaŭ.

Zdymki realici-šou «Biez mandata» pačnucca z 12 lipienia. U efiry telekanała «1 +1» prahrama pavinna startavać vosieńniu.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?