U pres‑słužbie prezidenta Biełarusi paćviardžajuć namier Alaksandra Łukašenki ŭziać udzieł u samicie JeŭrAzES 4—5 lipienia ŭ Astanie.

«Vizit płanujecca», — skazaŭ BiełaPAN kiraŭnik pres‑słužby biełaruskaha prezidenta Pavieł Lohki.

Jak paviedamlałasia raniej, 4—5 lipienia ŭ Astanie projdzie samit Jeŭrazijskaj ekanamičnaj supolnaści (JeŭrAzES), u ramkach jakoha płanujecca zaviaršyć farmiravańnie Mytnaha sajuza Biełarusi, Kazachstana i Rasii.

Rašeńnie ab farmiravańni Mytnaha sajuza Biełarusi, Kazachstana i Rasii było pryniata ŭ listapadzie 2009 hoda ŭ Minsku prezidentami troch krain. Rasija i Kazachstan ratyfikavali Mytny kodeks MS. Pavodle nieaficyjnaj infarmacyi, 30 červienia kodeks ratyfikavaŭ i biełaruski parłamient, adnak heta było zroblena na zakrytym pasiadžeńni. Aficyjna hetyja źviestki nie paćviardžajucca, ale i nie asprečvajucca.

Svoj udzieł u MS Minsk uviazvaje z admienaj Rasijaj pošliny na ŭvaznyja ŭ Biełaruś naftapradukty. Jak zajaviŭ žurnalistam 30 červienia pieršy vice‑premjer Uładzimir Siamaška, kali Rasija admienić pošliny na naftapradukty, Biełaruś hatova «siońnia ž» padpisać pahadnieńnie ab Mytnym kodeksie. «Kali niama, to ŭ nas jość reziervy, pačakajem, — dadaŭ jon. — 4—5 lipienia vy atrymajecie adkazy na ŭsie svaje pytańni».

Hetymi dniami ŭ Astanie pavinny prajści pasiadžeńni Miždziaržaŭnaha savieta JeŭrAzES i vyšejšaha orhana MS na ŭzroŭni kiraŭnikoŭ dziaržaŭ.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?